web counter
LEXO PA REKLAMA!

SHKARKO APP

App Store
Google Play

“Do të nxirret butësisht nga zyra”/ Berisha tregon si do të largohet Basha në 5 janar

27 Dhjetor 2021, 20:58, Politikë CNA

Lideri historik, Sali Berisha deklaroi se nëse Lulzim Basha nuk largohet nga zyra e kryetarit brenda afatit të përcaktuar, do të zhvillohet një protestë paqësore, ku anëtarësia e partisë do ta nxjerrë ?butësisht? nga zyra.

Në një intervistë me Merita Hakljan në A2 CNN, ish kryeministri shtoi se Basha kishte futur banditë të armatosur në seli në datën 18 dhe se ky ishte një akt shumë i rëndë.

?Nëse Basha nuk largohet nga zyra brenda 5 janarit, do të ketë një protestë paqësore. Ai po mban selinë, kështu që paqësisht, përmbaruesi anëtarësi do ta nxjerrë nga zyra. Anëtarësia do i tregojë se ajo zyrë nuk është e një deputeti, por e atij që do të zgjedhin anëtarët e PD-së për drejtimin e saj.

Deputeti Basha do të largohet nga zyra dhe kaq është historia. Ne do të bëjmë protestë absolutisht paqësore. Natyrisht, siç e panë mediat, ai kishte futur banditë të armatosur në seli, në datën 18. Ky ishte një akt shumë i rëndë, nga më të pashembulltit në historinë e një force politike demokratike.

Mediat i kanë faktuar këto me emra dhe fotografi. Uroj që të ketë nxjerr mësim nga akti i tij i turpshëm dhe t?i nënshtrohet verdiktit të 44 000 anëtarëve të PD-së. Përndryshe, ata butësisht do ta nxjerrin nga zyra?, tha Berisha./CNA.al





Lajmet e fundit nga