web counter
LEXO PA REKLAMA!

SHKARKO APP

App Store
Google Play

E fundit!

x

“Flet me gjuhën e Ballës”/ Dega PD në Gjirokastër “gozhdon” Bejkon

28 Dhjetor 2021, 14:23, Politikë CNA

Dega e PD në Gjirokastër i është përgjigjur deklaratave të ish kandidatit për deputet Roland Bejko.

Përmes një statusi në rrjetet sociale dega e PD në Gjirokastër është distancuar nga prononcimet e Bejkos duke i quajtur të papërgjegjshme dhe absurde.

Ata i kanë drejtuar katër pyetje Bejkos ku ndër to i vënë në dukje se ka nisur të flasë me gjuhën e Taulant Ballës.

?Partia Demokratike e Gjirokastrës distancohet plotësisht nga prononcimet e papërgjegjshme dhe absurde të ish-anëtarit të Këshillit Kombëtar, të ish-Sekretarit për Pushtetin Vendor e Decentralizimin, të ish-kandidatit për deputet në Qarkun tonë, z.Roland Bejko.

Ne si demokratë, si aktivistë dhe si votues edhe të Partisë Demokratike, edhe të z.Bejko, i kërkojmë atij t’u përgjigjet disa pyetjeve dhe shqetësimeve tona:

1-Qëkur një demokrat i vërtetë flet e sokëllet me gjuhën e Taulant Ballës?

2-Z.Bejko, me çfarë autoriteti flet ti në emrin tonë?

3-Sa delegatë të erdhën nga Qarku Gjirokastër në pseudo-kuvendin e 18dhjetorit? Sa autoritet ke?

4-Kur do ngresh ndonjë shqetësim, apo problematikë tonën ne kohën tënde të shpërdoruar televizive për mbrojtjen e interesave meskine të Lulzim Bravës?

Ndiejmë keqardhje dhe na vjen turp që rrimë e merremi me ju, ndërkohë që Gjirokastra vuan, lëngon dhe shkatërrohet ditë për ditë.

Ju nuk keni ditur dhe as keni dashur t’i dilni për zot asaj.

Partia Demokratike e Gjirokastrës do të vazhdojë të qëndrojë e fortë, stoike, e papërulur përballë regjimit të Edvin Malavitës.

Ne u themi anëtarëve tanë, por edhe gjithë bashkë-qytetarëve të Gjirokastrës se do i shërbejmë me devocion interesit publik dhe jo meskinitetit donkishotesk të individëve të caktuar.

#PartiaDemokratikeMbiTëGjitha!

#RroftëGjirokastra!!

#Fitore!!!?, ka qenë deklarata e degës së PD në Gjirokastër./ CNA.al





Lajmet e fundit nga