web counter
LEXO PA REKLAMA!

SHKARKO APP

App Store
Google Play

Basha vijon turin e takimeve/ 25 prilli ishte një masakër elektorale, më ndihmoni të rrëzojmë Ramën

29 Maj 2021, 11:03, Politikë CNA

Kreu aktual i PD Lulzim Basha ka vijuar turin e takimeve, ku ditën e sotme u ndal në Mat e Bulqizë.

Nga aty, Basha ka kërkuar ndihmën e demokratëve për të vijuar betejën në rrëzimin e qeverisë, ndërsa shtoi se 25 prilli nuk ishte fitorja e Edi Ramës por një masakër elektorale.

Kreu i opozitës tregoi edhe disavantazhin që ka që sipas tij është përccarja e PD.

?Ta vazhdojmë bashkë betejën krah njëri-tjetrit, me besimin e madh, mos të hedhim poshtë atë që kemi ndërtuar së bashku dhe kjo është ftesa ime ndaj çdokujt që e ka zemrën apo mendjen të turbulluar, është që të mos gjejë arsye apo të krijojë arsye për të rrëzuar atë që keni ndërtuar dhe kemi ndërtuar së bashku deri më sot, falë sakrificës së gjithësecilit prej jush.

Ndaj, të diskutojmë nga afër shqetësimet, mendimet, kritikat, rrugëdaljet, nga ana tjetër, le të jemi të qartë se kjo garë e ka dhe një disavantazh. E ka dhe një disavantazh dhe disavantazhi që e njohim fare mirë ne këtu, unë, ju, e njeh dhe kundërshtari ynë. Disavantazhi është që pas kësaj qëndrese të gjatë, ku kemi faktuar vendosmërinë tonë, dorëzimi përballë atyre që e konsiderojnë 25 prillin, fitore të Ramës dhe jo një masakër zgjedhore, mund të japë shkak një përçarjeje të re në gjirin tonë dhe këtë ne nuk mund ta lejojmë?, tha ai./CNA.al





Lajmet e fundit nga