Krimi shtetëror/ Ngjela tregon dosjet e bujshme dhe zyrtarët që do hetojë SPAK

28 Maj 2021, 18:57, Politikë CNA

Autorët e krimit shtetëror janë të frikësuar nga akuzat penale që do ngrihen ndaj tyre. Kështu është shprehur avokat Spartak Ngjela, i cili përmes një postimi në rrjetin social Facebook deklaroi se pjesë e listës janë kryeministra, ministra e deputetë.

Avokati shtoi se janë edhe një pjesë e gazetarëve apo sicc njihen ndryshe analistë që sipas tij kanë qenë në anë të krimit.

?Autorët e krimit shtetëror të madh e të gjatë në kohë, po shihet qartë se janë futur sakaq në psikozën e tyre kolektive të dominuar nga frika e akuzës penale.

Psikoza kolektive është fenomen i një eksitimi kolektiv, i cili vjen nga një gjendje luftë. Në rastin që po e sjell këtë në Shqipëri, është lufta e nisur antikrim me çështje konkrrte dhe me induvidë konkret, e cila i ka kaluar këta në një psikozë kolektive frike; të gjithë të inkriminuarit. Dhe këta janë shumë: janë kryeministra, ministra, deputetë, etj.

Por janë dhe një numur gazetarësh e të ashtuquajturish analistë që kanë qenë në anë të krimit; por dhe një plejadë bashkëpunëtorësh me krimin shtetëror, që kanë marrë pjesë në transaksione korruptive: kushurinj, klientë, kompani tregëtare, banka që kanë kryer transferta fiktive, individë që janë bashkëpunëtorë në pastrimin e parave, etj.

Por, çfarë procesesh kanë filluar, dhe kush rrezikohet?, tha avokati.

Ngjela më tej tregoi edhe dosjet e bujshme që do rihapen nga SPAK, duke sjellë në vëmendje çështjet e Gërdecit, 21 janarit apo edhe vendimin e DASH për shpalljen non grata të ish kryeministrit Sali Berisha.

?Proceset që kanë filluar janë: çështja e Gerdecit, çështja e 21 janarit, shpallja nongrata e Sali Berishës dhe gjithë familjes së tij për korrupsion dhe krim ekonimik; llogari bankare të identifikuara nëpër banka të pikave offshor në shuma marramendëse; dhe janë gjithashtu edhe çështje të tjera të këtij niveli, të cilat kuptohet se do të dalin në pah hap pas hapi.

Por pyetja që na del përpara me këtë rast, është kjo: pse goditja e gjithë kësaj gjendjeje kriminale të krijuar ndër vite nga krimi shtetëror në Shqipëri, filloi pikërisht tani?

Sigurisht, edhe kjo ka një shpjegim, dhe, për këtë, na duhet të theksojmë arsyetimin përkatës: sepse kjo ishte koha më e përshtatshme. Po të kishte filluar goditja penale kundër korrupsionit të lartë shtetëror dhe krimit të organizuar që në stadin parazgjedhor, të temburit që përshkruam më lart, do ta kishin prishur procesin zgjedhor, për ta kredhur shoqërinë në një anarki të rrezikshme me armë, njëlloj si ajo e vitit 1997. Madje ata vetë e kishin shprehur hapur kryengritjen e tyre?, tha Ngjela./CNA.al