LEXO PA REKLAMA!

SHKARKO APP

Deklaratat në Akademinë e Shkencave/ Gjekmarkaj ironizon Ramën

28 Maj 2021, 17:38, Politikë CNA

Deputeti i zgjedhur i Partisë Demokratike, Agron Gjekmarkaj, ka ironizuar dhe sulmuar kryeministrin Edi Rama për deklaratat që bëri sot gjatë pjesëmarrjes në Akademinë e Shkencave.

Gjekmarkaj ngre akuza ndaj Ramës, ndërsa thotë se kreu i qeverisë foli sot si triumfator Baraba me ezmerllek e gri ajatollahesh.

Më tej, ai shpreh mirënjohje për akademikun Artan Fuga, për të cilin deklaron se luftoi i vetëm kundër një organizmi ideologjik e politik pa asnjë lidhje me shkencën.

?Edi Rama pasi shpartalloi proçesin elektoral , futi në xhep universitetet, kontrollon pa pothuaj të gjitha  emisionet televizive, po kaq ka në xhep kuvendin me kukulla, i hap proçes shkarkimi Presidentit , kontrollon të gjithë ekonominë , nepunesinë, ushtrinë, policinë, gjykatat, gjithçka , arriti të hyjë e te flasë si triumfator Baraba  dhe në Akademinë e shkencave, me ezmerllek e gri ajatollahesh.

Kjo pasi Akademia per vite nuk ja kishte mbushur synë por tani ama ja dha bekimin si klerik suprem i dijes! Tani mbetet për të uruar ta gezojë kultura shqiptare akademinë më të politizuar në planet, me në krye Skender Gjinushin  qe sot zgerdhihej embel e lozonjar, ta gezojnë intelektualet, kombi edhe pse humbja per ta është katastrofike. Pse jo Ta gezojmë edhe historinë e re të Shqiperisë si pllakë varri me të “vertetat” të shkruar nda deshmitaret “Lloskë Lloska e Bake Xhani ” , që komunizmi na la peshqesh !

Mirënjohje pafund Prof. Artan Fuges që ndonese i vetem luftoi kunder një organizmi ideologjik e politik pa asnjë lidhje me shkencen , kunder kotesise , genjeshtrave abuzimeve qokave dhe sklerotizmit të saj historik ! Një betejë që nuk e fitoi por që me dinjitet e beri  dhe sot më shumë se kurrë me mungesë  spikaste  në vetminë e tij  i konfirmuar në çdo akuzë! Shqiperia sot ka vetem një Akademik antikonformist e europianist ai është Artan Fuga !

Në atë salle jo akademike kët paradite nipi i Spiros , nipi i Enverit dhe djali i Et’hemit na rrefyen rrugen e mbrothesisë nga do ecë vatani tani e tutje , mendimi, mençuria, marifeti e lezeti akademik e shoqeror !!

Urraaaa Urraaaaa Urraaaaa!! Në vathen e Polifemit me syrin si teleskop , delet hynë të paqta , Odise aty nuk pat! Tagjia është e sigurtë! Gjetem rehatin më në fund!?, shkruan Gjekmarkaj në rrjetet sociale./ CNA.al

Lajmet e fundit nga