web counter
LEXO PA REKLAMA!

SHKARKO APP

App Store
Google Play

Bledi Mane ironizon Agron Shehajn/ “Çfarë tallje, kryetar partie nga Vlora?”

28 Maj 2021, 13:36, Politikë CNA

Gazetari Bledi Mane ka ironizuar kandidimin e Agron Shehajt për kryetar të PD. Mane në statusin e tij flet për mandatin e lënë përgjysmë nga Agron Shehaj në vitin 2017 kur ishte pjesë e listës së Vlorës.

Krahas gazetari akuzon Shehajn se ka paguar për mandatin dhe sot përballet me Lulzim Bashën për kreun e opozitës.

?Çfarë tallje/ KRYETAR PARTIE NGA VLORA?

Agron Shehaj mund të jetë i suksseshëm në biznes, mund të jetë miliarder, mund të jetë shfrytëzues i pashpirt punonjësish, mund të jetë hakmarrës, mund të jetë ende provincial dhe emigrant i frustruar…për mua të gjitha këto kanë pak rëndësi. Mua si qytetar dhe gazetar i këtij trualli më shqetëson katapultimi i sforcuar i Gones na Vlora. I Gones që pagoi në zgjedhjet e vitit 2017 kunatin e Lulzim Bashës me 300 mijë euro dhe u rreshtua i treti deputet në Vorë dhe mandatin e la përgjysëm. Pastaj braktisi vendlindjen e tij dhe kandidoi në Njësinë 7 në Tiranë e përsëri në zgjedhjet e prillit 2021 pagoi kunatin e Lulit me 500 mijë euro për vend të sigurtë në listën e deputetetëve të partisë. Pa u numëruar ende votat e majit, Gonia merr guximin dhe kandidon kësaj here për kryetar i Partisë Demokratike duke sfiduar Lulzim Bashën, kunatin e kunatit që i përlau 800 mijë euro. Ndaj këtu unë ndaloj dhe shqetësohem sërish. Kjo përballje e Gones na Vlora me Lulin nga Tirona mban erë ose hakmarrje ose era aktrim amator.

Gonia ndoshta kandidon seriozisht për të vënë në vend nderin e parave të paguara ose si marjonetë e ndryshkur po përdoret gjasme ti bëjë opozitë Lulit të opozitës…

Dhe që Agron Shehaj ta marrë vesh mirë, në Partinë Demokratike mund të tentosh të kandidosh por kurrësesi nuk bëhesh kurrë kryetar partie. Partia Demokratike vazhdon të mbetet peng i tribalizmit dhe kraninizmit, Gonia mund të jetë “malok Labërie” por kjo nuk e ndihmon kurrësesi. Lulzim Basha ka lindur në Tiranë por rrënjët kërkojani pak më lart!

???, shkruan Bledi Mane./ CNA.al





Lajmet e fundit nga