web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet për kreun e PD/ Edith Harxhi ankimon miratimin e rregullores

28 Maj 2021, 15:25, Politikë CNA

Kandidatja për kreun e PD-së Edith Harxhi ka ankimuar në Komisionin e Apelimit për zgjedhjet që drejtohet nga Arben Ristani, vendimin për rregulloren e brendeshme mbi modalitetet për zgjedhjen e kreut të ri të selisë blu.

Sipas Harxhit, rregullorja e miratuar është e pavlefshme pasi ajo është miratuar nga kryesia e PD-së ndërkohë që duhet miratuar nga Këshilli Kombëtar.

?Është këshilli kombëtar që me propozim të kryesisë dhe kryetarit të partisë miraton rregulloren”, shkruan në kërkesën e saj Harxhi.

Sipas rregullores së miratuar nga kryesia e PD-së, parashikohet që çdo kandidat duhet të ketë një vëzhgues brenda komisionit zgjedhor si dhe zyra e shtypit e partisë duhet të bëjë pasqyrim të barabartë të veprimtarisë zgjedhore të secilit kandidar gjatë fushatës.

Në përgjigjen e tij Ristani shkruan se tani për tani Komisioni i Apelimit ka vetëm një kryetar ndërsa nuk ka anëtarë të tjerë duke mos qenë funksional e kësisoj kërkesa e kandidates nuk mund të shqyrtohet./CNA.al





Lajmet e fundit nga