LEXO PA REKLAMA!

SHKARKO APP

Agron Shehaj tentoi të përfitonte 4.2 miliardë lekë/ Zbardhet skema skandaloze

28 Maj 2021, 08:36, Politikë CNA

Ish deputeti i PD-së Agron Shehaj, me anë të një kompanie me xhiro 0 lekë, tentoi të përfitonte tre milion katërqind mijë euro (3 400 000 euro), ose 4.2 miliardë.

Zanafilla e kësaj historie ka nisur në vitin 2018 dhe ka qenë Autoriteti i Konkurencës që se ka lejuar një gjë të tillë, pasi ka pasur dyshime për veprime të paligjshme.

Një ditë më parë, CNA.al, publikoi vendimin e Autoritetit të Konkurencës, ndërsa sot po sjellim hapat që ka ndjekur ish-deputeti Shehaj për të përfituar shumën 3 400 000 euro.

Kujtojmë se ish?deputeti Shehaj, me anë të kërkesës nr.330, data 23.05.2018 i ka kërkuar  Autoritetit të Konkurencës, që 85% të kuotave të biznesit Call-Center, me emrin tregëtar ?Sestante Holding SRL? dhe me emrin public ?CC Tirana?,  t?ia shiste kompanisë, që sipas tij ishte italine me emrin ?Comdata S.P.A?.

Në mbledhjen e datës 20.09.2018, ku Komisioni i Konkurencës vendosi të mos e miratojë  këtë transaksion, duke quajtur të paligjshëm.

Pasi nga të dhënat e dorëzuara pranë AK, rezulton se xhiroja e aktivitetit të shoqërisë CC Tirana, për vitin 2018 është në vlerën 0 lekë. (Lexo këtu)

Më poshtë po sjellim detaje nga marrëveshja, që është dërguar pranë Autoritetit të Konkurencës.

Marrëveshja për blerjen e kuotave

Marrëveshja për blerjen e kuotave, ku kërkuesi në këtë rast shitës i 85% të kuotave, është Agron Shehaj i ?Sestante Holding SRL? si ortak i vetëm, ndërsa aplikimet i bëri me firmën ?CC TIRANA Shpk?, në pronësi 100% po të tij.

Marrëveshja për blerje kuote është lidhur me 31 Korrik 2018 ndërmjet kompanisë Comdata SPA e përfaqësuar nga Antonio Salvio si blerës dhe kompanisë ?Sesante Holding SR?L e përfaqësuar nga Enida Shehaj, bashkëshortja e ish deputetit, si palë shitëse.

Shitësi zotëron 100% të kapitalit CC Tirana, një shoqëri shqiptare, e regjistruar në regjistrin tregëtar shqiptar të mbajtur nga Qendra Kombëtare e Biznesit, me numër regjistrimi NUIS: L81605038L, në njësinë bashkiake nr.5 Tiranë.

Shitësi dhe blerësi kishin lidhur një marrëveshje Kuadër me datë 26.04.2018 për blerjen e një kuote, 85 % të kapitalit të Shoqërisë.

Bazuar në marrëveshjen Kuadër, transferimi i Kuotës nga shitësi tek blerësi ishte supozuar të ndodhte në datën e mbylljes së marrëveshjes.

?Duke marrë parasysh se të gjitha kushtet e mëparshme të mbylljes të përcaktuar janë plotësuar, me përjashtimin e vetëm të marrjes së miratimit nga Autoriteti i Konkurencës për trasnferimin e kuotës nga shitësi tek blerësi?, citohej në marrëveshjen e përpiluar që u rrëzua nga Autoriteti i Konkurencës.

Çmimi i blerjes: Si vlerë për kuotën, blerësi do t?i paguante shitësit, pra kompanisë së Agron Shehajt një çmim prej 3.400 000 euro.

Paratë ishin parashikuar të jepeshin me dy këste.

Kësti i parë i çmimit të blerjes ishte 2 500 000 euro dhe të paguhej nga blerësi tek shitësi menjëherë dhe jo më vonë se dy ditë.

Kësti i dytë i çmimit të blerjes ishte 900 000 euro dhe do të paguhej nga blerësi tek shitësi, brenda 10 ditëve nga përfundimi i një periudhe prej 6 muajsh, nga data 1 Gusht e 2018-së.

Kapitali i Shoqërisë: Sipas marrëveshjes, kapitali i Shoqërisë që nga data e lidhjes së marrëveshjes do të rritej me ekuivalencën në Lekë shqiptarë në shumën 151 489 27 euro.

Administrimi i Shoqërisë: Nga data e lidhjes së kësaj marrëveshjeje shoqëria administrohet nga dy administratorë Andrea Lubian dhe Ermira Hoxha, të cilët janë caktuar nga shitësi me propozim të blerësit.

Autoriteti i Konkurencës konstatoi përveç të tjerash se Comdata S.P.A nuk operonte në Shqipëri dhe kjo transfertë nuk u lejua të kryhej.

Nesër do të sjellim të dhëna në lidhje me kompaninë Comdata, për të zbardhur detaje nëse ish deputeti dhe kandidati për kryetar të PD-së, Agron Shehaj,ka pasur për qëllim fshehjen e kapitaleve, apo shmangien nga detyrimet tatimore, me përdorjen e kompanisë ?CC Tirana SHPK?, 100% si kapital i shoqërisë ?Sestante Holding Srl? dhe me xhiro 0 lekë, të regjistruar në QKB, në datën 05.04.2018, 5 muaj para kërkesës së tij, për ta shitur e ka regjistruar me emrin Comdate Albania./CNA.al

Transaksioni i zi i Agron Shehajt/ Skandali i kandidatit për kryetar të PD

Lajmet e fundit nga