web counter
LEXO PA REKLAMA!

SHKARKO APP

App Store
Google Play

E fundit!

x

"Basha ua kalon grupeve të inkriminuara në shërbimin ndaj Ramës"/ ‘Shpërthen” Bujar Nishani

19 Maj 2021, 09:03, Politikë CNA

Kryetari i Këshillit Kombëtar të PD, Bujar Nishani, ka ashpërsuar tonet ndaj kreut të PD-së në detyrë Lulzim Basha.

Në një intervistë për  CNA.al, Nishani ka akuzuar Bashën, për dobësimin e PD dhe largimin e saj nga modeli qytetarë.

Sipas tij, pas humbjes së 25 Prillit, dorëheqja e  Bashës , duhej të ishte akti akti më normal i përgjegjësisë.

?Dorëheqja e një kryetari partie kur humbet zgjedhjet politike është akti më normal i përgjegjësisë, qytetarisë dhe kontributit të mbetur në një model civilizuar dhe kulturë perëndimore.

Unë mendoj se ne duhet të sillemi sipas këtij modeli. Por dorëheqja është edhe detyrim për të mundësuar ndryshimin sëpari brenda partisë.

 PD e sotme është larguar shumë nga modeli qytetar, standarti civil dhe imazhi evropian?, është shprehur Nishani.

Sipas të njëjtit, z. Basha ka dështime të shumta e të njëpasnjëshme që prej tetë vitesh që kur ka marrë drejtimin e PD dhe se nuk bëhet fjalë veç për dështimin në zgjedhjet e 25 prillit.

 ?Ky dominim që ka imponuar Basha mbi procesin vendimarrës në PD e ka zvogëluar çdo ditë e më shumë forcën politike dhe elektorale të PD duke i bërë kështu shërbimin më të madh pushtetit të Edi Ramës.

Ky shërbim i Bashës për Edi Ramën është edhe më i madh se sa shërbimi që grupet e ikriminuara i bëjnë Edi Ramës duke blerë vota lart e poshtë për të.

Nëse grupet kriminale blejnë 50 mijë apo 100 mijë vota në interes të Edi Ramës, L. Basha nuk fiton dot simpatinë politike, besimin qeverisës të paktën edhe të 300 mijë shqiptarëve abstenues që do të bënin krejt pa vlerë manipulimin e Edi Ramës?, është shprehur më tej Nishani.

Sipas të njëjtit, që nga këtu duhet të jetë pikënisja e referimit se si duhet të pregatitet PD për të qënë parti e parë, parti fituese./CNA.al





Lajmet e fundit nga