web counter
LEXO PA REKLAMA!

SHKARKO APP

App Store
Google Play

“SPAK ka bërë shumë përparim”/ Yuri Kim: Reforma në Drejtësi nuk do jetë e përsosur

18 Maj 2021, 20:57, Politikë CNA

Ambasadorja e SHBA në Tiranë, Yuri Kim, pretendon se Shqipëria ka bërë përparime me Reformën në Drejtësi.

Kim tha se gjatë gjithë kësaj kohe ka mbajtur shënime shumë të kujdesshme, ndërsa theksoi se edhe SPAK ka bërë përparime.

?Mendoj që SPAK ka bërë shumë përparim. Ka qenë në funksion pak më shumë se një vit. Dhe mendoj që kreu i SPAK Arben Kraja ka dhënë disa intervista lidhur me veprimet e ndërmarra nga SPAK. Kanë nxjerrë raportin vjetor për vitin 2020, ku flisnin për 746 individë që ishin nën hetim dhe se çfarë ka ndodhur, asetet e konfiskuara. Siç e dini, unë mbaj shënime shumë të kujdesshme edhe për këtë sepse Shtetet e Bashkuara kanë investuar në mënyrë të jashtëzakonshme në suksesin e SPAK?, u shpreh ajo në emisionin ?Opinion?.

Ajo theksoi se SPAK ka hetuar 746, ndërsa deklaroi se Reforma në Drejtësi nuk ka për të qenë e lehtë, e shpejtë, apo e përsosur.

?Në vitin 2020 pati 746 persona që u hetuan. Dhe ato raste po shqyrtohen tani. Për tremujorin e këtij viti, 2021, informacioni më i fundit që kam është që 264 persona janë duke u hetuar. Nuk mund të ndjekësh çdo çështje, por ajo që është e rëndësishme është që nga ato çështje që SPAK ka çuar në gjyq, kanë pasur sukses në 90% të rasteve që kanë ndjekur. Është mbresëlënëse. Tani, e përsëris, reforma në drejtësi nuk ka për të qenë e lehtë, e shpejtë, apo e përsosur. Dhe nëse prisni atë, po përgatitesh për dështim. Por ajo që do të them është që po ndodh përparim i vërtetë dhe përparimi, teksa ecim përpara, nuk do të jetë një vijë e drejtë. Nuk shkon nga prej këtu deri atje. Ajo që ndodh është që do ecësh përpara, do bësh pas, dhe ajo që do që të ndodhë është që prirja e gjerë të jetë ecja përpara dhe mendoj që është ajo që po shihni?, nënvizoi diplomatja amerikane./ CNA.al





Lajmet e fundit nga