web counter
LEXO PA REKLAMA!

SHKARKO APP

App Store
Google Play

"Jemi të kënaqur me zgjedhjet"/ Ambasadorja e SHBA: Problemet do trajtohen

18 Maj 2021, 20:07, Politikë CNA

Ambasadorja e SHBA në Tiranë Yuri Kim, ka folur për zgjedhjet parlamentare në vendin tonë, të cilat lanë sërish në opozitë Partinë Demokratike dhe aletatët e saj.

Yuri Kim tha se zgjedhjet ishin të rregullta me përjashtim të disa problemeve që do të trajtohen.

Ajo tha në emisionin ?Opinion? se SHBA-të janë të kënaqur me mënyrën si u zhvilluan zgjedhjet, ndërsa deklaroi se opozita ka bërë një fushatë shumë të fortë.

?Mendoj që ODIHR, që janë vërtet ekspertët për zgjedhjet, kanë nxjerrë gjetjet e tyre fillestare dhe ne i kemi mbajtur shënim. Për shembull, ata vërejnë që zgjedhjet ishin të rregullta dhe përgëzuan autoritetet për administrimin e zgjedhjeve shumë mirë. Megjithatë, vërejtën edhe disa probleme dhe pritshmëria jonë, si SHBA, është që ato probleme do të trajtohen, por për pjesën më të madhe, siç e patë në deklaratën që nxorëm nga Uashingtoni, përgëzuam popullin shqiptar për zgjedhje të mira, uruam Kryeministrin Rama për fitoren. Po ashtu, uruam edhe partinë e opozitës për zhvillimin e një fushate shumë të fortë. Prandaj mendoj që në tërësi, jemi të kënaqur me mënyrën si u zhvilluan zgjedhjet?, u shpreh ajo, pa pranuar të japë një opinion personal.

?Mendoj se nuk është me vend të ofroj një mendim personal për çka pashë. Gjithë ç?mund të them është se në mendimin tim, dita ishte e karakterizuar nga shpresa?, theksoi ajo dhe më pas u ndal te monitorimi i zgjedhjeve nga ambasada amerikane.

?Vetëm nga Ambasada Amerikane kanë qenë në terren 25 ekipe. Kishim dikë që ishte amerikan dhe secili nga këta shoqërohej nga dikush me shqipe të rrjedhshme që të kuptonim sa më mirë që mundej për çka shikonim dhe dëgjonim. Pra, kishim të gjithë këta në gjithë vendin dhe, siç e dini, komuniteti ndërkombëtar kishte qindra të tjerë. Dhe kjo sigurisht përfshin ekspertët e ODIHR. Ndaj, mendoj se kishim një vështrim goxha të mirë mbi situatën ditën e zgjedhjeve por edhe më pas?, nënvizoi Yuri Kim./ CNA.al





Lajmet e fundit nga