web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet me Metën/ Yuri Kim: Fola në emër të Qeverisë së SHBA, e diskutuam në Uashington

18 Maj 2021, 20:39, Politikë CNA

Ambasadorja e SHBA në Tiranë ka folur për debatin që ka pasur me Presidentin e Republikës Ilir Meta.

E pyetur se ndodhi mes saj dhe Presidentit, ambasadorja tha se ka folur në emër të Qeverisë së Shteteve të Bashkuara.

?E di që njerëzit duan të shohin pak drama dhe emocione, por ajo që do përsëris është se kur flas, flas në emër të Qeverisë së Shteteve të Bashkuara dhe e bëjmë këtë seriozisht, kur arrijmë një qëndrim dhe detyra ime është të siguroj që qëndrimi ynë është sa më i qartë që mundet. Përpiqemi ta bëjmë këtë shumë të qartë, së pari për Qeverinë Shqiptare dhe e bëjmë këtë nëpërmjet diskutimeve me zyrtarë të lartë, përfshi Kryeministrin, Presidentin, Ministrat dhe përpiqemi ta bëjmë pozicionin e SHBA sa më të qartë që mundet për popullin shqiptar. Këtë do të vazhdoj të bëj?, u shpreh ajo në emisionin ?Opinion?.

Gazetari Blendi Fevziu i kujtoi akuzat e Kreu të Shtetit se diplomatja amerikane është përfshirë në punët e brendshme të Shqipërisë, ndërsa Kim deklaroi se po bën punën e saj.

?Mendoj se ka të drejtën të ketë mendimet e tij, por edhe një herë, unë mund vetëm të bëj punën time, e cila është të shpreh pikëpamjet dhe të sqaroj pozicionin e Qeverisë së Shteteve të Bashkuara?, theksoi ambasadorja./ CNA.al





Lajmet e fundit nga