web counter
LEXO PA REKLAMA!

SHKARKO APP

App Store
Google Play

E fundit!

x

Ankimimet e PD për zgjedhjet/ Yuri Kim thirrje autoriteteve: Merrini me seriozitet

18 Maj 2021, 20:22, Politikë CNA

Opozita e Lulzim Bashës ka dorëzuar një dosje ankimore për zgjedhjet parlamentare të 25 prillit, ku pretendon se janë të vërtetuara disa parregullsi dhe manipulime.

Për këtë ka folur mbrëmjen e sotme edhe ambasadorja e SHBA në Tiranë, Yuri Kim, e cila tha se shit-blerja e votës është një problem që duhet eleminuar, por fillimisht kërkoi të merren seriozisht ankimimet.

?Është një problem që ishte në raportin paraprak të ODIHR, përveç disa aktiviteteve të tjera që shpresojmë se do të eliminohen nga zgjedhjet në Shqipëri. Dhe mendoj se kjo do të ndodhë, por siç e përmenda më herët, tani ka dy gjëra që duhet të ndodhin. Së pari, janë paraqitur një numër anikmesh në SPAK, tek prokurorët dhe ligjzbatuesit. Ata duhet t?i marrin këto seriozisht dhe t?i hetojnë të gjitha këto raste.

Kanë filluar shumë raste dhe unë e ndjek nga shumë afër këtë. Me sa kuptoj, deri tani, janë paraqitur 143 ankime dhe nga këto, 54 janë regjistruar sepse hetuesit vendosin cilat kanë meritë dhe cilat jo; cilat duhen hetuar nga SPAK dhe cilat nga prokuroritë e rretheve, bazuar në kompetencat e tyre. Me sa kuptoj, tani janë 37 çështje duke u hetuar në mënyrë aktive. I presim rezultatet e këtyre. Siç e dini, KQZ po shikon ankimet që janë dorëzuar, pra ka një process?, u shpreh ajo në emisionin ?Opinion?.

E pyetur nga gazetari Blendi Fevziu, ambasadorja nuk preferoi të flasë për probleme në veçanti, por qëndroi te raporti i ODIHR-it.

Ndërsa për marrëveshjen e 5 qershorit për Reformën Zgjedhore, diplomatja amerikane deklaroi se duhet të kishte qenë modeli për të gjitha ndryshimet.

?Mendoj se kam folur qartë për këtë. Mendoj se mënyra në të cilën u arrit 5 qershori duhet të kishte qenë modeli për të gjitha ndryshimet. Në të njëjtën kohë, parlamenti ka kompetencat e tij. Po e lë me kaq?, nënvizoi Yuri Kim./ CNA.al





Lajmet e fundit nga