web counter
LEXO PA REKLAMA!

SHKARKO APP

App Store
Google Play

E fundit!

x

E akuzuan se mbështet Ramën/ Yuri Kim: Po bëj detyrën, jam e drejtpërdrejtë

18 Maj 2021, 20:20, Politikë CNA

Shumë politikanë dhe analistë kanë ngritur akuzat se ambasadorët e BE apo SHBA mbështesin kryeministrin Edi Rama.

Për këto akuza është pyetur mbrëmjen e sotme edhe ambasadorja amerikane në Tiranë Yuri Kim, e cila tha se ajo po bën vetëm detyrën e saj.

?E dini, njerëzit janë të lirë të shprehin pikëpamjet e tyre dhe mendoj që kur zhvillohen zgjedhje, ka festim, por ka edhe zhgënjim, por është shumë e rëndësishme që të ketë diskutime të hapura për çfarë ndodhi dhe se cila është rruga përpara. Unë për vete, e di cila është detyra ime. Detyra ime është të përfaqësoj Shtetet e Bashkuara të Amerikës, të përfaqësoj pozicionin e vendit tim. Dhe kur vjen fjala te kjo, ne duam një marrëdhënie të ngushtë me Shqipërinë. Duam që të jetë edhe më e ngushtë. Dhe nuk ka rëndësi kush është në pushtet. Kemi punuar jashtëzakonisht mirë me cilindo ka qëlluar të jetë zgjedhur nga populli shqiptar dhe do të vazhdojmë ta bëjmë këtë?, u shpreh ajo në emisionin ?Opinion?.

Duke u përpjekur të shpjegojë se përse janë ngritur këto aludime, Kim deklaroi se njerëzit ndonjëherë kërkojnë për kuptime të fshehura në deklaratat e saj.

?Mendoj që njerëzit ndonjëherë kërkojnë për kuptime të fshehura ndërkohë që mendoj se jam mjaft e drejtpërdrejtë dhe e qartë. Kur them diçka, njerëzit e interpretojnë si mbështetje për një palë; kur them diçka tjetër, thonë, epo qenka me palën tjetër. Asnjë nga këto nuk është e vërtetë. Jam shumë e drejtpërdrejtë, Blendi, siç e dini, dhe nëse dua të them diçka në emër të Shteteve të Bashkuara, mendoj se jam mjaft e qartë?, theksoi diplomatja amerikane./ CNA.al





Lajmet e fundit nga