LEXO PA REKLAMA!

SHKARKO APP

Vetëm 2 raste votimi të dyfishtë/ Pelinku: “Janë komisionerë të identifikuar"

19 Maj 2021, 08:47, Politikë CNA

Dje KAS, për shkak të paqartësive që ka prodhuar raporti i Komisionit Qendror të Zgjedhjeve, për gjurmët e shumëfishta, thirri zëvendës-komisioneren Lealba Pelinku, që të shpjegonte rastet.

Kjo e fundit, ditën e djeshme refuzoi të paraqitej përpara KAS.

Pelinku i kërkoi pyetjet me shkrim që të përgjigjej me shkrim.

Me sa duket Pelinku e ka kuptuar që nuk është mirë të identifikohet me pajisjen PEI.

Problemi është që zonjën Pelinku me pajisjen PEI e lidh funksioni i krijuar në Kodin Zgjedhor, posaçërisht për të.

Pasi e mendoi gjithë natën, sot zonja e PD-së së Lulit, u paraqit përpara KAS dhe po jep shpjegimet e veta.

Deri tani Pelinku, ka shpjeguar se është e qartë, se ka vetëm 2 raste, një në Gjirokastër dhe një në Berat që dyshohet për votim të dyfishtë.

Sa kohë që lista e zgjedhësve është unike për çdo qendër votimi, nuk ka asnjë mundësi që një person të votojë dy herë me shenjat e veta dhe kartën e vet të identifikimit.

Edhe zonja Pelinku sqaroi, se dyshimi i saj i arsyeshëm është se personat kanë qenë pjesë e administratës zgjedhore. Pra, Komisionerë.

Kjo, pasi komisionerit i lejohet votimi në qendrën e votimit ku ai ushtron funksionin si pjesë e administratës zgjedhore.

Ne jemi të bindur që zonja Pelinku di edhe emrat e komisionerëve.

Ose minimumi listën prej 8 perosnash ku rrotullohen emrat. Por nuk na i tregon.

Për çështjen tjetër të një numri të madh shenje identike gishti që është identifikuar më shumë se një herë,  zonja Pelinku e pranoi që hipotëza më e pranueshmë është ajo e operatorëve.

Por pse e nxori në tregun e politikës opozitare zonja Pelinku, tabelën me shifra?

Zonja Pelinku u ngatërrua shpesh gjatë shpjegimeve të veta, gjatë të cilave një herë thoshte që nga këndvështrimi i mënyrës se si ishin programuar pajisjet, shenjat e gishtave (që dyshohen të jenë të operatorëve), duken si përputhje, ndërsa të materialin e shpërndarë me shkrim për KAS, kishte shkruar që nga këndvështrimi i mënyrës, se si janë programuar pajisjet, shenjat e gishtave duken si dyshime.

Zonja Pelinku pavarësisht se me gojë dhe më shkrim dha dy opsione të kundërta, deklaroi që KQZ nuk ka në plan të bëjë veprime të mëtëjshme verifikuese.

Ne materialin me shkrim zonja Pelinku fliste për 2 persona me identitet të njëjtë, që kanë votuar nga 2 herë, 1 në Gjirokastër, 1 në Berat.

Kjo e dhënë do të thotë që Zonja Pelinku ka numrat e identifikimit të 2 personave.

Do të thotë që ajo i di funksionet dhe emrat e atyre 2 personave.

Insistimi i zonjës Pelinku për të mos sqaruar funksionin, sa kohë që ajo është e lirë që kur i do qejfi të dyshojë dhe kur nuk i do qejfi të dyshojë.

Të ndodhur përpara dilemave të zonjës Pelinku, ne na lind dyshimi që zonja Pelinku i di emrat.

Dhe që ato emra janë emra komisionerësh që i përkasin Opozitës.

Ky është motiv i mjaftueshëm që zonja Pelinku, pasi lëshoi pa menduar në treg tabelën, të ketë kuptuar që ato emra i binin në kokë opozitës.

Sa i takon shenjave të gishtave të dyshuara si operatorë, zonja Pelinku ka dyshimet, ka dhe operatorët që kanë qenë të kontraktuar nga KQZ.

Zonja Pelinku ka prodhuar tabelën thjesht për të bërë rrëmujë, se as operatorët e atyre qendrave nuk i ka thirrur për ti pyetur se çfarë ka ndodhur sipas këndvështrumit të tyre.

Zonja Pelinku  i di emrat. Di edhe se çfarë ka ndodhur.

Zonja Pelinku ka hyrë në një histori pa kuptuar se ku po ecën dhe pa kuptuar se si do dali.

Zonja Pelinku sot duhet të kishte depozituar kallëzimin penal për dyshimet e veta.

Por Zonja Pelinku është e qetë mes dyshimeve të veta. Opozitës i duhen dyshimet. Jo faktet dhe jo prova./CNA.al

 

Lajmet e fundit nga