E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kryemadhi feston humbjen në Amerikë/ Vasili përpiqet t’i bjerë në sy

19 Maj 2021, 06:54, Politikë CNA

Kryetarja e LSI-së, Monika Kryemadhi, pas humbjes në zgjedhjet e 25 Prillit, ka udhëtuar për në Amerikë ku edhe shfaqur në platforma sociale.

Nga ana tjetër në Shqipëri ka lënë Petrit Vasilin që del e flet për masakër elektorale.

Vasili i cili varet nga Kryemadhi nëse do të hyjë në Kuvend apo jo, ka shkruar në rrjete sociale se Qeveria ka kryer krime zgjedhore, duke iu referuar Misionit të SHBA-së, pranë OSBE-së në Vjenë.

Sipas Vasilit, Berati dhe Gjirokastra, provuan shqetësimet e mëdha të Misionit të SHBA pranë OSBE në Vjenë për 25 Prillin.

Reagimi i plotë:

?Berati dhe Gjirokastra provuan shqetesimet e medha te Misionit te SHBA prane OSBE ne Vjene per 25 prillin!

Hapja e kutive ne Berat e Gjirokaster provoi perpara gjithe botes se ne 25 prill qeveria, mafioze e rilindjes kreu keto krime zgjedhore te cilat gjenden edhe ne deklaraten e misionit te SHBA ne Vjene:

Shitblerja e votes, perdorimi kriminal i financave te shtetit dhe te administrates shteterore, perdorimi kriminal i te dhenave personale, mijra punesime ne dhunim te ligjit, manipulimi ne shkalle kombetare, perjashtimi nga votimi i mijra qytetareve shqiptare ne Greqi,votimi i shumefishte, flete votimi me shume se votues,manipulimi i materialeve zgjedhore jane krime zgjedhore tashme te provuara boterisht.

Po risjell edhe nje here shqetesimet e renda te SHBA per 25 prillin.

Misioni i SHBA pranë selisë qendrore të OSBE në Vjenë doli qe ne 7 maj me një deklaratë teper të fortë në lidhje me zgjedhjet e 25 prillit në Shqipëri.

Ambasadorja Elisabeth Rosenstock-Stiller theksoi :

?SHBA vëren se gjetjet e misionit vëzhgues të OSBE tregojnë se partia në pushtet ka pasur avantazhe domethënëse nga pushteti i saj, përfshirë edhe kontrollin e administratës lokale dhe keqpërdorimin e burimeve administrative.

Ne gjithashtu vërejmë se gjetjet e tyre tregojnë për një praktikë të përhapur të blerjes së votave, që mbetet ende një problem, dhe gjithashtu shprehim shqetësim në lidhje me rrjedhjen e të dhënave personale tejet sensitive, përfshirë edhe preferencat politike të qytetarëve.

SHBA ngul këmbë që organet e hetimit dhe gjyqësori duhet të mbajnë përgjegjës çdo individ që ka shkelur ligjin apo që ka ndaluar vullnetin e qytetarëve të Shqipërisë për të votuar në zgjedhje të lira dhe të ndershme.

Ne mirëpresim deklaratën e SPAK për të investiguar krimet elektorale,? theksoi ajo.

Asnje qendrim tjeter nuk ka dhe nuk mund te kete perballe krimit me te madh, qe i eshte bere ndonjehere zgjedhjeve ne Shqiperi.

Asnje alibi nga askush nuk i shpeton dot kete manipulim mafioz te zgjedhjeve nga demaskimi, denoncimi dhe denimi pa meshire e tij?./CNA.al