web counter
LEXO PA REKLAMA!

SHKARKO APP

App Store
Google Play

E fundit!

x

Mazhoranca dorëzon në Kuvend kërkesën/ Sa deputetë firmosën për shkarkimin e Metës

30 Prill 2021, 14:26, Politikë CNA

Mazhoranca është e vendosur për t?i shkuar deri në fund shkarkimit të Ilir Metës nga posti i presidentit.

Ditën e sotme, deputetët e selisë rozë morën një mesazh në telefon, në të cilin u kërkohej që të firmosin propozimin për shkarkimin nga detyra të presidentit Meta.

?Të dashur kolegë, bazuar ne disa shkelje të rënda të Kushtetutës sipas parashikimeve të nenit 90, nga ana e Presidentit Ilir Meta përpara dhe gjatë fushatës zgjedhore, në konsultim me Kryesine e Grupit Parlamentar kemi vendosur te iniciojmë Procedurën e Shkarkimit të Presidentit të Republikës. Për ketë qellim ju lutem siguroni prezencën tuaj pranë Zyrës se Grupit Parlamentar për të firmosur propozimin për shkarkimin e presidentit?, thuhet në mesazhin e dërguar deputetëve.

CNA.al ka mësuar se kërkesa për shkarkimin e Ilir Metës është depozituar në Kuvend, ku kanë firmosur ¼ e deputetëve aktualë.

Ndërkohë që ditën e martë, do të mbahet një seancë plenare, në të cilën mësohet do të ketë në rend dite edhe këtë pikë.

Ndryshe nga hera e parë, ku mazhorancë e çoi në kalendat greke, duke e dërguar shkarkimin e Metës në Komisionin e Venecias dhe më pas u tërhoq, këtë radhë veprimet antikushtetuese të presidentit në fushatë elektorale ka bërë që t?i shkojnë deri në fund punës së nisur.

Por Ilir Meta deklaroi edhe sot se do të qëndrojë në Presidencë deri në korrik 2022, kur edhe I mbaron mandate i tij./CNA.al





Lajmet e fundit nga