web counter
LEXO PA REKLAMA!

SHKARKO APP

App Store
Google Play

E fundit!

x

“Lider lind, lider nuk bëhesh!”/ Edi Oga “këshilla” Bashës

30 Prill 2021, 10:20, Politikë CNA

Gazetari Edi Oga thotë se dorëheqja është veti e liderave të vërtëtë.

Duke iu referuar rastit të kreut të PD, Lulzim Bashës,Oga thotë se nëse thotë se nëse dorëheqja nuk vjen tek ti, akti i dhimbshëm por i fundit burrëror është dorëheqja.

Ai thekson se Partia Demokratike është një alternativë e shkëlqyer qeverisëse për këtë vend dhe se i ka të gjitha mundësitë të prodhojë një lider fitues

?SIA – STOPPABLE
Dorëheqja është veti e liderave të vërtetë!
Lider lind, lider nuk bëhesh! Lider nuk është një vend pune! Dëshira jote për t’u bërë lider, apo nevoja e tjetërkujt për të të bërë lider, nuk mjafton. Ti duhet të dish çfarë kërkohet nga një lider e të veprosh si një i tillë. Ti duhet të dish si fitohet dhe të punosh pa hequr dorë asnjë çast për fitoren. Nëse fitorja vjen, ‘glory to you’! Nëse ajo nuk vjen, ty si lider të ka mbetur në dorë vetëm akti i dhimbshëm por i fundit burrëror, ai që të lejon të mbahesh mend si ish-lider dhe jo si burracak; dorëheqja!

Një lider që nuk dorëhiqet kur duhet, nuk ka qenë kurrë i tillë! Një lider nuk është lider, nëse vihet në diskutim gjithë kohën nëse është apo jo një i tillë!

Unë nuk jam anëtar partie. Unë nuk kam votuar për të zgjedhur Lulzim Bashën kryetar partie dhe nuk kam asnjë tagër politik për të kërkuar largimin e tij. Unë thjesht kam humbur besimin tek mundësitë e tij për të fituar dhe do ta kem të vështirë për ta votuar në të ardhmen. Megjithatë, unë besoj se Partia Demokratike është një alternativë e shkëlqyer qeverisëse për këtë vend dhe se i ka të gjitha mundësitë të prodhojë një lider fitues! Jam i bindur se ajo do të gjejë zgjidhjen më të mirë për lidershipin, sapo të kalojnë këto ditët e reagimeve emocionale dhe të vijnë ditët e analizës racionale?, shkruan Oga./CNA.al





Lajmet e fundit nga