LEXO PA REKLAMA!

SHKARKO APP

E fundit!

x

“Duhet bashkuar e djathta”/ Shehi: Duhet të marrim me radhë faktorët negative!

30 Prill 2021, 09:01, Politikë CNA

Kreu i LZHK, Dashamir Shehi ka folur pas humbjes së opozitës në zgjedhjet e 25 prillit.

Në studion e ?Dita jonë? Dashamir Shehi, u shpreh se vota në këto zgjedhje u ble përmes dy mënyrave, punësimit dhe blerjes klasike mafioze.

?Ka dy lexime, e para është që të mbyllen dhe në fund të hetohen, se po kërkojmë hetimet të dimë nga janë gjithë këto 80 mijë vota të pavlefshme, nga dalin këto deputetë që nuk ua di njeri emrin as te partia e vet me 15 mijë vota, një lloj industrie që blen. Unë kam idenë që i blen votat blerja nëpërmjet punësimit, dreq e shejtan të cilën do ta kapërdija në rrethanat shqiptare një lloj klientelizmi dhe blerja klasike. Dhe kjo e dyta është e rrezikshme, e para është e pamoralshme, e dyta e rrezikshme dhe kompromentuese e sistemit. Zgjedhjet e fundit në Siçili ngjanin me këto të Shqipërisë, por makineria nuk ishte kaq e madhe se kishte një grupim që ishte mafia dhe një shtet që mundohej t?i dilte përpara, kurse këto janë bashkë mafia e shteti?.

Shehi është për idenë e bashkimit të së djathtës, por shprehet se së pari duhen analizuar faktorët negativë që çuan në këtë rezultat dhe pse e djathta nuk arrin të krijojë demokraci të brendshme.

Sipas tij, Basha nuk mund të gjykohet pa përfunduar hetimet, pastaj duhet riparë pozicionimi i së djathtës, e cila shton ai, nuk mund të qëndrojë më mbi antikomunizmin, por duhet një qasje e re e saj.

?Ne nuk shohim diçka, ne shohim shumë, kemi kohë deri kur nisë parlamenti, por do të donim që analiza të mbështetej te rezultati real zgjedhor. Nëse përtej kësaj, të dimë kush është rruga për të ndryshuar këtë realitet, por nuk bëhet të nesërmen e zgjedhjes që disa kolegë kanë filluar. Unë drejt idesë së bashkimit të së djathtës po shkoj, por njëherë duhet qetësuar ambienti politik brenda opozitës shqiptare.

Duhet të marrim me radhë faktorët negativë që çuan në këtë rezultat, t?i bëjmë të qartë ndërkombëtarëve që nuk është kjo Shqipëria, se ndryshe nuk është Bjellorusia dhe e treta në një proces politik që pse e djathta nuk është në gjendje të krijojë demokraci të brendshme, në vend të korrentit krijon fraksione. Ne duhet t?i japim këtë lloj frymëmarrje jo vetëm për Kollozin për shumë Kollozë të tjerë intelektualë. Nuk kemi të drejtë të gjykojmë Bashën pa përfunduar hetimet. Ne nuk kemi raport zyrtar të OSBE-së, kemi dy muaj punë të vërtetojmë ç?është vjedhur, pastaj të gjejmë asetet e reja të së djathtës dhe asistuar të djathtës në një pozicion politik.

Nuk mund të qëndrojë më mbi antikomunizmin. Duhet një përqasje e re për botën e biznesit dhe intelektualëve?.

Shehi thekson se opozita duhet të jetë e fortë, që të tentojë të ndërtojë shtetin shqiptar të barabartë për të gjithë.

?Duhet të jetë një opozitë që tenton të ndërtojë shtetin shqiptar, edhe gjatë zgjedhjeve e pamë që mungonte shteti. Ne duhet të bëjmë shtetin shqiptar të barabartë për të gjithë shqiptarët. Ky e ka bërë shtetin e familjes së vet dhe 5 zullumqarëve të vet. Në listën e PS-së ky vendosi sipër atë që paguan paratë dhe ka mbrojtjen politike të Ramës. Kemi prova sa të duash, është logjika normale dhe formale e gjërave?.

Sa i takon thirrjes për bashkëpunim nga Rama, Shehi thotë se ky është një provokim që u bë edhe para zgjedhjeve, por ia arriti të neutralizojë LSI-në. Ai u bën thirrje edhe kolegëve opozitarë që janë joshur nga kjo ftesë e kryeministrit, që të kenë kujdes pasi beteja e së djathtës thotë ai është me moralin dhe çuarjen e Shqipërisë në BE, jo në Turqi.

?Është brenda linjës së Ramës se e provokoi edhe para zgjedhjeve dhe ia arriti që LSI-ja ta neutralizojë. Ky lloj diskutimi që thotë Rama duket si perëndimor, është miklues për disa arrivistë për disa brenda PD-së. Sot unë shoh brenda PD-së që janë trishtuar jo se ka humbur e djathta e demokracia, por perspektiva se ky do të bëhej drejtor i KESH-it. Kujdes kolegë opozitarë, beteja jonë është me moralin dhe të drejtën të çojmë Shqipërinë në BE. Nëse duhet të çojmë Shqipërinë në Turqi unë jam kundër. Ne kemi nevojë për opozitë të fortë, jo lëmoshën e Ramës?, u shpreh Shehi./CNA.al

Lajmet e fundit nga