web counter
LEXO PA REKLAMA!

SHKARKO APP

App Store
Google Play

E fundit!

x

Meta drejt shkarkimit/ Mosdorëheqja nuk e shpëton Presidentin

30 Prill 2021, 08:47, Politikë CNA

Përgjatë të gjithë fushatës elektorale për zgjedhjet parlamentare të 25 Prillit, Ilir Meta u ?zhvesh? nga posti i Presidentit, duke marrë rolin e kreut të LSI dhe opozitarit, duke u përfshirë kështu drejtpërdrejt në zgjedhje.

Ndonëse Presidenti duhet të ishte mbi palët të paktën sipas Kushtetutës, ndodhi e kundërta.

Meta u bë palë në këto zgjedhje, me  fushatën dhe deklaratata e tij kërcënuese.

Thirrjet e tij për luftë civile, për Shqipërinë në gropë dhe mbi të gjitha, krijimi i psikozës që po fitoi sërish Rama, do ta djegë Shqipërinë, shokuan mbarë opinionin publik, i cili ditën e zgjedhjeve priste se çfarë do të ndodhte.

Për këto deklarata dhe krijimin e kësaj situate, Metës po i bëhet gati shkarkimi nga mazhoranca.

Kujtojmë se Meta nuk i qëndroi besnik as deklaratës se do të dorëhiqej nëse fitonte Rama. Por, duket se nuk do të shpëtojë.

CNA.al ka mësuar  dhe ka raportuar më herët se ka nisur hartimi i kërkesës drejtuar kreut të Kuvendit, Gramoz Ruçi për ngritjen fillimisht të një komisioni hetimor që do ti paraprijë raportit me propozimin e shkarkimit të Presidentit Ilir Meta.

Janë me dhjetra kërcënime, dhe thirrje për revoltë që Meta ka lëshuar në prag zgjedhjesh, duke shkelur Kushtetutën, për të cilën thotë se po e mbron.

Shkarkimi i Metës, pas thirrjeve për luftë civile

Përgjatë gjithë fushatës dhe jo vetëm, Ilir Meta u shfaq në media, i dehur, duke kërcënuar, duke përplasur tavolinën me grushta dhe dukë bërë thirrje për revoltë.

Por risjellim në vëmendje, deklaratat e tij kërcënuese, disa orë para zgjedhjeve dhe disa ditë para zgjedhjeve të 25 Prillit.

Pak orë para zgjedhjeve të 25 Prillit, Meta kërcënonte, policë, gjyqtarë e prokurorë.

Sipas tij kriminelët më të rrezikshëm ishin ata me uniformë dhe ata brenda gjykatave dhe prokurorive.

?..më të rrezikshmit janë kriminelët e veshur me uniformë, janë ata që gjenden brenda sistemit gjyqësor dhe të prokurorisë.

Prandaj thirrini mendjes, zbatoni ligjin, qëndroni larg ndikimeve politike, mos u bëni palë dhe ruani integritetin e detyrës.

Përmbushni detyrën pa asnjë vonesë dhe mos e detyroni Popullin t’ju arrestojë në flagrancë përmes ligjit, që Kuvendi i Shqipërisë ka miratuar?, shprehej Meta mbrëmjen e 24 Prillit.

Po të njëjtën mbrëmje ai bënte thirrje për gjak.

?Të dashur Prokurorë dhe Gjyqtarë! Dëgjojeni mirë Presidentin e Republikës! Boll dëgjuat përfaqësuesin e Ndrangheta-s, Don Agaçion. Nëse jo, një pikë gjaku të derdhet nesër, por edhe një pikë loti, mjerë ju!?, shprehej Meta në rrjete sociale.

Pasi më herët kishte kërcënuar me prerje duarsh kush vidhte votash, ai kaloi tek cfurqet dhe kosat.

Në Shqipëri ka ligje dhe organe që hetojnë dhe dënojnë krimet zgjedhore, por Meta ishte për prerje e therje me armë të ftohta.

??po u prek një votë ditën e votimeve t’i mprehin cfurqet, se si gratë trime të Libofshës do t’i ndjekim këmba këmbës horrat, nëse nuk kanë kuptuar gjë akoma?, shprehej Meta me 21 Prill.

I ftuar në emisionin Opinion ai kërcënoi hapur me luftë civile.

?Do parandaloj tentativat për krim zgjedhor. Vota ime nuk është por rotacion por për përmbysje demokratike me votë. Populli të marrë në dorë fuqinë e tij.

Një thirrje i bëra popullit dhe doli populli. Mos më detyroni ta thërras prapë. Se kohë pandemie??, është shprehur Meta në Opinion.

Janë të shumta kërcënimet dhe thirrjet për luftë dhe revoltë që janë bërë nga Ilir Meta, duke përdorur postin e Presidentit dhe institucionin e Presidentit.

Në këto rrethana duket se Metës po i ngushtrohet rrethi dhe dorëheqja e tij do të zëvendësohet me shkarkim./CNA.al





Lajmet e fundit nga