web counter
LEXO PA REKLAMA!

SHKARKO APP

App Store
Google Play

Kandidatja e PD nxjerr blof Bashën/ Nuk ka pasur manipulim në zgjedhje

29 Prill 2021, 18:07, Politikë CNA

Dështimin e radhës në zgjedhjet e 25 prillit, kreu i Partisë Demokratike Lulzim Basha e ?veshi me kostumin? e manipulimit gjatë numërimit të votave.

Basha, i cili nuk ngjall shpresë dhe besim tek qytetarët shqiptarë, ka akuzuar si gjithmonë qeverinë se ka vjedhur votat dhe ka përdorur çdo manovër për të marrë rezultatin pozitiv.

Por ka qenë kandidatja e tij për deputete, Oriela Nebijaj, e cila renditej e 18-a në listën e Tiranës që e ka nxjerrë blof kren e opozitës.

Nga votat preferenciale, Nebijaj është votuar nga 5134 qytetarë, ndërkohë që ditën e sotme ka deklaruar se dështimi i PD nuk lidhet me asnjë lloj manipulimi.

Në një intervistë për Top Channel, kandidatja e Bashës theksoi se nuk ka pasur asnjë problem as në qendrat e votimit dhe as në ato të numërimit, duke shtuar se nëse ka pasur indicie për parregullsi të vogla kanë qenë nga lodhja e tepërt e komisionerëve. Ajo deklaroi se është në pritje të procesverbaleve.

Kjo deklaratë e kandidates, nxorri edhe një herë zbuluar dështimin e Bashës, i cili sa më shumë qëndron në krye të PD, aq më shumë shton edhe dështimet e tij në jetën politike, por edhe duke dëmtuar seriozisht demokratët e vërtetë./CNA.al





Lajmet e fundit nga