web counter
LEXO PA REKLAMA!

SHKARKO APP

App Store
Google Play

E fundit!

x

“Rekord me vota të pavlefshme”/ Rama: Ja si humbëm tre mandate në zgjedhjet e 25 prillit

29 Prill 2021, 19:26, Politikë CNA

Kryeministri Edi Rama ka folur për rezultatin e zgjedhjeve të 25 prillit, ku PS arriti të merrte e vetme 74 mandate parlamentare.

Nga studio e Opinion, Rama ka deklaruar se mazhoranca ka humbur tre mandate nga votat e pavlefshme, duke treguar se qytetarët u konfuzuan nga fleta me numra, ku pas votimit të partisë, nuk votonin kandidatin por një parti tjetër.

Sipas kryeministrit, Elbasani dhe Tirana ishin dy qytetet ku kishte më shumë vota të pavlefshme.

?Unë flas për PS  dhe mendoj që kush të akuzon për diçka që nuk e ke bërë e ka bërë vet. Ne sot kalkulojmë që kemi humbur tre mandate nga votat e pavlefshme dhe i kërkuam të gjithë vëzhguesve të mbajnë një rekord se si ishin këto vota. Në Elbasan ka mijëra vota të pavlefshme, ku ishin 12 dhe 8. Në Tiranë po ashtu. Ne e kemi arritur dhe e kemi kaluar objektivin dhe kemi tre mandate aty. Janë vota të qarta që kanë ardhur nga organizimi që PS, ne jemi një makineri fitoreje?, tha kryeministri.

Rama hodhi poshtë edhe akuzat e opozitës për përdorimin e policisë në procesin zgjedhor nga ana e PS.

?Shteti në përdorim kur në burgje fiton opozita është absolutisht një përallë. Ka pasur edhe kandidat për deputetë nga opozita që janë në punë në shtet dhe nuk i ka trazuar njeri?, deklaroi ai.

Ndërsa duke iu referuar rezultatit të zgjedhjeve, Rama deklaroi se PS ka ardhur gjithmonë edhe në rritje nga viti në vit.

?Në 2009 kemi qenë parti e parë dhe PD na e ka kaluar nga koalicioni me LSI. Në 2013 rritet, në 2017 rritet dhe tani shikoje grafikun.

Ne jemi më shumë sesa PD dhe LSI bashkë. Ndërkohë ne kemi humbur një numër pafund votash nga pavlefshëmria dhe jemi shumë lartë?, tha Rama./CNA.al





Lajmet e fundit nga