web counter
LEXO PA REKLAMA!

SHKARKO APP

App Store
Google Play

“Kompania e inceneratorëve e fshehur në parajsa fiskale”/ Zhupa: Çdo zyrtar që ka firmosur…

19 Tetor 2020, 18:38, Politikë CNA

Zëdhënësja e PD, Ina Zhupa, ka folur sërish për inceneratorët, për të cilët ka deklaruar se kryeministri Edi Rama nuk hapi garë ndërkombëtare për t?i dhënë me koncesion.

Zhupa tha se pronarët e vërtetë të inceneratorëve nuk dihen, ndërsa theksoi se kompania është guackë dhe e fshehur në parajsa fiskale.

?Kjo histori ka nisur në vitin 2017 kur njëdore iu dha brenda 24 orësh kontrata qindramilionë euro për ndërtimin e inceneratorëve në Elbasan, Tiranë dhe në Fier. Edi Rama duke shkelur ligjin për prokurimet publike, duke mos bërë një njoftim 50-ditor në mediat ndërkombëtare, duke mos bërë garë ndërkombëtare, duke mos patur kritere teknike dhe as term reference, ia dha koncensionin e inceratorëve Mirel Mërtirit, ose Klodian Zotos, pasi pronarët e vërtetë të inceneratorëve ne nuk i dimë edhe sot që flasim së bashku. Sepse kompania është guackë dhe e fshehur në parajsa fiskale?, u shpreh ajo në Ora News.

Demokratja paralajmëroi se sapo PD të vijë në pushtet, dosjet e PPP-ve do të kalojnë në ?sitë?.

?Sapo Partia Demokratike të marrë qeverisjen e vendit, kemi paraqitur sot, edhe ju u transmetuat, mënyrat, format ligjore se si do të procedohet me të gjitha PPP-të, koncensionet korruptivë, tenderat korruptivë që ka ndërmarrë qeveria Rama.

Nëpërmjet Ligjit Anti-Mafia, do gjurmojmë çdo kontratë dhe duke parë në termat e tyre ligjore nëse, në rradhë të parë, ka kompani që janë krijuar 24 orë para. Ka kompani që nuk kanë kapital për shumat që do të marrin. Në rastin e inceneratorëve, ata me 1000 euro morën 128 milionë euro dhe pritet që deri në fund të marrin 400 milionë euro?, theksoi ajo.

Zhupa deklaroi se zyrtarët e qeverisë Basha do të shohin dosjet e plota, jo vetëm të kompanive, por edhe të zyrtarëve që nga më i vogli e deri tek më i madhi, që kanë firmosur këto tendera, koncesione apo PPP./ CNA.al





Lajmet e fundit nga