E fundit!

12:57 Kosova & Bota

Tërmetet shkatërruese në Venezuelë/ Rritet numri i viktimave

Numri i viktimave nga tërmetet shkatërruese në Venezuelë k...

“Meta komandant i LSI”/ Luan Rama nuk i kursehet kryeministrit: Nuk e fsheh dot injorancën ligjore dhe kushtetuese

19 Tetor 2020, 17:40, Politikë CNA

Nënkryetari i LSI-së Luan Rama ka reaguar pas deklaratave të kryeministrit Edi Rama për presidentin Ilir Meta, të cilin e quajti komandant të LSI-së.

Rama thotë se stili i të shkruarit të kreut të qeverisë nuk mund ta fshehë lajthitjen apo shfaqjen e injorancës së këtij të fundit në çështjet ligjore dhe kushtetuese.

Nënkryetari i LSI-së pretendon se kryeministri nuk ia ka dalë të mësojë qoftë edhe formalisht kodet etike e të përgjegjësisë shtetërore të detyrës që kryen dhe të raporteve të tij kushtetuese me institucionet e tjera të vendit.

Sipas tij, këmbëngulja e kryeministrit për t?i mbushur mendjen të tjerëve se ka të drejtë edhe kur është injorant, është jashtë çdo limiti ku mund të të justifikojë arsyeja njerëzore.

?Një shpjegim i thjeshtëzuar i kushtetutës dhe ligjit për Kryeministrin.

Për dreq, jo gjithmonë veçantia stilistike apo përpjekja për një stil të shkruari duke përdorur një sintakse të zgjedhur, kinse ?me kujdes?, ia qëllon të mbulojë apo të fshehë lajthitje apo shfaqje injorance e deformimi në njohuritë apo dijenitë e individit që rreket vetëm pas fjalëve të renditura në fjali, ani pse pa asnje lidhje logjike me sistemin e referimit që zgjedh.

Shembulli më tipik në tipizimin e injorancës ligjore dhe kushtetuese është për fat të keq në shumë raste vetë Kryeministri me qëndrimet e veta publike.

Ai edhe pse ka më shumë se shtatë vjet në detyrën e kryetarit të qeverisë, nuk ia ka dalë të mësojë qoftë edhe formalisht kodet etike e të përgjegjësisë shtetërore të detyrës që kryen dhe të raporteve të tij kushtetuese me institucionet e tjera të vendit.

Prej mosnjohjes e prej mungesës së kapaciteteve intelektuale për të mësuar mund të shfaqesh injorant dhe kjo gjë nuk përbën ndonjë mëkat, por të këmbëngulësh në mënyrë injorante t?u mbushësh mendjen të tjerëve se ke të drejtë edhe kur je injorant, kjo është pastaj jashtë çdo limiti ku mund të të justifikojë arsyeja njerëzore.

Për të konkretizuar çfarë thashë më lart, po marr si shembull vetëm replikën apo përgjigjen më të fundit të Kryeministrit të vendit, adresuar Presidentit të Republikës në lidhje me autoritetin kushtetues të Komandantit të Përgjithshëm të Forcave të Armatosura të Republikës së Shqipërisë?, shkruan ai në rrjetet sociale./ CNA.al