E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Ilir Beqaj meriton pensionin e mamit dhe dasmen e Lali Erit

29 Prill 2020, 09:33, Politikë CNA

Dje në nje opinion të tij, ish-ministri i Shëndetësisë, njeriu i shumë skandaleve dhe akuzave për korrupsion, Ilir Beqaj, në analizën që i bënte situatës së pandemisë dhe ekonomisë, thoshte se në qoftë se do të zgjasë, dhe ekonomia do të ketë probleme, qeveria do të jetë e detyruar të ulë pagat dhe pensionet.

Në fakt ky nuk është një qëndrim i padëgjuar, por në kohë krizash të mëdha ekonomike buxhetet rritin borxhin ose fusin duart në xhepat e qytetarëve, me rritje taksash apo me ulje pagash dhe pensionesh.

Propozimi i Beqajt pati një reagim të menjëhershëm, mjaft të ashpër nga shumë politikanë, gazetarë dhe opinionistë. Por, nga ana tjetër edhe vetë qeveria u tregua e kujdesshme për ta përgënjeshtruar menjëherë. Ministrja e Financave Anila Denaj, mbrëmë në një dalje në Opinion tha se nuk ka një plan për ulje pagash dhe pensionesh.

I menjëhershëm ka qënë edhe reagimi i zv.kryeministrit Erion Braçe i cili k a thënë sërish se qeveria nuk ka pasur asnjëherë në tavolinën e saj planet për uljen e pagave dhe pensioneve.

Pra, duke e përgënjeshtruar Ilir Beqajn.

Në fakt, Zoti Beqaj ka hedhur dorashkën e një lëvizje që mund ti duhej qeverisë, por nga ana tjetër ministri për Rindërtimin, Arben Ahmetaj në daljen e tij para disa ditësh tha se qeveria e ka borxhin e ulët. E ka ulur atë në 65% dhe ky borxh i ulët është bërë pikërish për këtë ditë dhe rritja e borxhit do të çohet deri në kufirin e mundshëm, për të ndihmuar sa më shumë biznesin dhe ekonominë, tha Ahmetaj.

Pra, zgjidhja e qeverisë nuk do të ishte ulja e pagave dhe pensioneve, por rritja e e borxhit.

Shashka e hedhur nga Ilir Beqaj nuk është një taktikë e padëgjuar ekonomike, por ndoshta do të ishte mirë se Zoti Beqaj përpara se ta hidhte këtë ide, të thoshte edhe diçka tjetër.

A do të pranonte ai të jetonte dot sot me pagën e një pensionisti, e cila nuk del për ilaçe dhe as sa për të mbajtur frymën gjallë?

A do të pranonte Ilir Beqaj të merrte 170 mijë lek të vjetra në muaj, sa ç?marrin pensionistët në qytet? Ka edhe nga ata me 120, 130, apo dhe ata që marrin një gjysëm pensioni. Dhe këtë ta kishte pagë të përhershme si deputet.

A do të jetonte dot Ilir Beqaj me kaq para?

Se kur u tha për përgjysmim të rrogave apo që deputetët të jepnin gjysmën e pagës për këtë situatë krize, para kërcyen përpjetë. Kaq sa merr një pensionist në muaj, Ilir Beqaj e merr rimbursim për telefonin e tij celular si deputet.

Pra, të njëjtën shumë që merr një pensionist, 170 mijë lek të vjetra, aq është edhe shumë që jepet për telefonin e një deputeti.

A do t?i mjaftonte kjo Ilir Beqajt për të ushqyer veten duke pasur edhe bashkëshorten pensioniste?

Si do t?ia dilte në fund të muajit?

Por, ndoshta ish-ministri i Ramës nuk ka faj. Ai duke parë Erion Veliajn me dasmat në kala dhe deklarimet e tij se me pensionin e mamasë dhe kursimet e saj ka mundur të martohet dhe të bëjë disa dasma mund edhe të jetë ngatërruar. Se Lali Erin a bëri një dasëm në kala, një dasëm në Pezë, ku mundi, si mundi, disa dasma. Dhe duke parë se shpenzimet me fatura, dhënia me qera e Kalasë ishin minimale, dhe ajo kushtonte sa pensioni i një viti, ndoshta Ilir Beqaj e ka parë të arsyeshme që gjithë njerëzit dhe pensionistët, duhet të jenë kursimtarë si mami i Lalit, e cila id ha mundësinë djalit të saj që të martohej në kala, me pension dhe kursime.

Kështu që nuk do të ishte keq që edhe pensionistë të tjerë të kishin zgjidhje, ti martojnë fëmijët në kala me paratë që kanë kursyer dhe me pensionin që marrin. Dhe duke parë vizionin e shfaqur nga Lali dhe dasmat e tij të shumta, përfshirë edhe atë në Kala, Ilir Beqja ka menduar se ulja e pensionit duhet bërë detyrimisht.

Asgjë nuk do t?iu ndodhte shqiptarëve, në qoftë se nuk do të martoheshin në kala dhe nuk do të bënin 2-3 dasma, por mund ta bënin atë në shtëpi. Dhe për të shpëtuar nga këto dasma ai ka propozuar uljen e pensioneve.

Në fakt kjo zgjidhje do t?i shkonte mirë ish-ministrit të Ramës, por që ta merrte vetë si rrogë dhe të jetonte vetë me këto të ardhura, atëherë ndoshta do të dilte dhe të propozonte publikisht uljen e rrogave dhe të pensioneve./ CNA.al