web counter
LEXO PA REKLAMA!

SHKARKO APP

App Store
Google Play

E fundit!

x

Letra pa përgjigje e Kurtit për Ramën/ Reagon Patozi: Ndaje mendjen Albin, mos u anko!

28 Prill 2020, 21:03, Politikë CNA

Kryeministri në detyrë i Kosovës Albin Kurti tregoi se i kishte dërguar një letër kryeministrit Edi Rama për të mbajtur një takim të përbashkët në kohën e pandemisë, por sipas tij nuk kishte marrë asnjëherë përgjigje.

Për këtë ka reaguar edhe koordinatori i Bindjes Demokratike Astrit Patozi, i cili i kërkon Kurtit të ndajë mendjen.

Patozi i thotë kryeministrit në detyrë të Kosovës të mos ankohet sepse pretendon se duke mos marrë një letër mbrapsht e ka marrë edhe përgjigjen.

“Ndaje mendjen Albin! Albin, nëse ke dërguar letër e nuk ta kanë kthyer, mos u anko për përgjigjen, sepse atë e ke marrë. Ndaj, ose mendohu të nisësh një letër tjetër, ose ndaje mendjen që kolonelit nuk ke pse t’i shkruash më. Por mos na e trajto si dramë kombëtare, sepse nuk kemi humbur ndonjë gjë të madhe në të dyja anët e kufirit. Kështu si kanë vajtur punët në këto nahitë tona, nuk fitojmë ndonjë gjë po t’i përziejmë llumrat e Shqipërisë dhe Kosovës edhe në këto kohë koronavirusi”, nënvizon koordinatori i BD-së./ CNA.al

Albin Kurti: I kam shkruar Edi Ramës, por nuk mora kurrë përgjigje





Lajmet e fundit nga