web counter
LEXO PA REKLAMA!

SHKARKO APP

App Store
Google Play

Edhe në mort Republika e Re e Bashës kthehet në banale

28 Prill 2020, 16:21, Politikë CNA

Do të donim mos të shkruanim, por nuk mund ta shmangim të vërtetën që na tregon se ku ka katandisur Republika e Re e Lulzim  Bashës dhe çeta e tij e drejtuar nga Ferdinand Xhaferraj në Durrës.

PD-ja e Durrësit ka bërë një shënim ngushëllues në rrjetet sociale, për arkitektin e njohur durrsak Hajdar Kovaçi, i cili sot u përcoll për në banesën e fundit me duartrokitje nga ata qytetarë që mundën të ishin pjesë e kortezhit edhe për shkak të masave të marra nga Covid-19. Ishte një homazh i shkruar për Hajdar Kovaçin, një vlerësim për figurën e tij dhe postimi gjendet në faqen zyrater të PD-së në Durrës, të cilën ne më poshtë po e sjellim me foto për shkak se mund të ndryshohet.

Thuhen fjalë ngushëlluese ndaj arkitektit durrsak, por në fund ky mesazh nuk përcillet me foton e të ndjerit, nuk përcillet me një imazh të kujtimit të tij, por ndodh që në vaki të vendosin foton e Ferdinand Xhaferrajt, njeriu i cili do të ndryshonte cilësinë e diellit dhe të rërës.

Pra, Ferdinand Xhaferraj në vend që në foto të vendosë të ndjerin arkitekt, vendos foton e tij. Ky delirant i pashembullt, ky personazh kaq butaforik nuk mund të rrijë dhe në mort pa bërë idiotësinë e radhës, nuk mund të rrijë pa u shfaqur deri në ekstremin e çmendurisë politike për t’u dukur. Nuk vendos në një mesazh hidhërues foton e të ndjerit, por veten e tij.

Është njëlloj si në një njoftim, në një shpallje, në një ngushëllim të mos vendoset fotoja e të ndjerit, por të vendosë foton ai që e lexon. Është njëlloj si në një varrim të shpallet vdekja e dikujt dhe vihet fotoja e atij që e ka shkruar shpalljen.

Këtë ka bërë Ferdinand Xhaferraj sot dhe shikojeni më poshtë në foto, është pothuajse e pabesueshme, në kufijtë e çmendurisë dhe këtë mund ta bëjë vetëm Ferdinnd Xhaferri dhe PD-ja e sotme në Durrës, ku në mesazhin ngushëllues të një jete të humbur, siç është ajo e arkitektit të njohur Hajdar Kovaçit, nuk vendoset fotoja e tij por vendoset fotoja e Ferdinand Xhaferrajt. I përjetshëm qoftë kujtimi i çmendurive të tua Ferdinand!/ CNA.al





Lajmet e fundit nga