Basha thumbon Berishën?/ "Opozita nuk është për të bërtitur, shiptarët e duan siç e drejtoj unë"

27 Prill 2020, 19:37, Politikë CNA

Kryetari i opozitës Lulzim Basha u kritikua në sy se nuk po bën më opozitë politike nga analisti Artan Fuga.

Basha e cilësoi të drejtë analizën e Fugës, i cili kërkonte të bëhej politikë gjatë kësaj kohe, me pretendimin se vetëm kështu zgjidhen krizat.

Teksa po komentonte këto deklarata, lideri i PD-së tha se opozita nuk do të bërtasë më, por vetëm do të denoncojë, protestojë dhe të ngrejë zërin ndaj padrejtësive.

Mirëpo një deklaratë e tij duket sikur është një thumbim ndaj ish-kryeministrit Sali Berisha, pasi Basha tha se qytetarët duan opozitën që drejton ai.

“Analiza është e drejtë. Pandemia ka 6 javë që zgjat. Opozita ka marrë vendimin e duhur jo për të mos bërë politikë, por për të ruajtur shëndetin e shqiptarëve. Nuk ka gjë më politike një kohë të tillë, që unë e kam quajtur regjim i Facebook-ut, se opozita të propozojë përpara një qeverie të çoroditur disa mënyra si të ndihmohen shqiptarët. Propozimet tona e vunë në presion qeverinë.

Opozita nuk është për të bërtitur. Ka ikur koha e opozitave që bërtisnin. Ka ardhur koha e një opozite që formulon qëndrime, kundërshton padrejtësitë, denoncon aferat, jep alternativën. Këtë opozitë duan qytetarët sot, këtë opozitë udhëheq unë. Opozita që ulërinte nga maja e kokës nuk ekziston më. Atyre që u vjen keq u kërkoj falje, s?ka më opozitë që ulëret. Ka opozitë që ngre zërin kundër padrejtësisë, ka opozitë që denoncon, ka opozitë që proteston dhe ka bërë protestat më të fuqishme që ka parë Shqipëria në 30 vite. Opozita në vitin 2020, opozita shqiptare i ka dhënë shqiptarëve prova të qarta se ne udhëhiqemi nga interesi i tyre. Nuk kemi interesa as të një grushti njerëzish as të ardhjes dhe zënies së disa karrigeve”, deklaroi kryedemokrati në studion e Syri Tv.

Ndërkohë, kujtojmë se Basha doli kundër Sali Berishës edhe për protestat, pasi deklaroi se nuk është koha për të bërë protesta, ndonëse nga ana tjetër ish-kryeministri kërkoi që qytetarët të dalin në shesh./ CNA.al

Thirrjet për protesta/Basha del hapur kundër Berishës

Thellohet “lufta” Berisha-Basha/ Ish kryeministri këmbëngul: Duhen protesta të fuqishme