web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për tenderat sekrete/ Përse nuk publikohen kontratat?

28 Prill 2020, 20:08, Politikë CNA

Opozita prej ditësh ka akuzuar qeverisë për tenderat sekrete dhe përse nuk publikohen kontratat e tenderave me të cilët janë blerë maskat apo kit-et në këto ditë krize nga coronavirus.

Kryeministri i vendit në një video-përgjigje për akuzat e opozitës në fundjavë deklaroi se tenderat nuk janë sekrete. Por, deri në këto momente kontratat e këtyre tenderave nuk janë bërë publike.

Euronews Albania ka kërkuar nëpër publikimet e VKM-ve në Fletoren Zyrtare, por për tenderat në fjalë nuk është publikuar kontrata apo teksti bashkëlidhur siç thuhet në përmbajtjen e VKM.

Të vetmet kontrata që nuk publikohen janë ata që përfshihen në nenin 6 të ligjit të prokurimeve publike, janë ato sekrete, për të cilat ka masa të veçanta sigurie dhe diktohen nga interesa thelbësore të shtetit, shkruan Euronews Albania .

Kryeministri dhe zv Kryeministri i Shqipërisë thonë që nuk është ky rasti dhe tenderet nuk janë sekrete. Atëherë perse nuk publikohet ne Fletoren Zyrtare dhe kontrata apo teksti bashkëlidhur? A është transparente kjo?

Transparanca e plotë, dhe jo humori e as sarkazma është ilaçi i çdo dyshimi që mund të thërrmohet me fakte e faqe të publikuara në emër të ndershmërisë politike dhe institucionale. Qeveria të bëj transparente kontratat!

 





Lajmet e fundit nga