web counter
LEXO PA REKLAMA!

SHKARKO APP

App Store
Google Play

"A është Dvorani 'kokë turku'"?/ Klodiana Lala: Çështja ndaj tij histori e Reformës në Drejtësi

28 Prill 2020, 20:52, Politikë CNA

Gazetarja Klodiana Lala ka folur mbrëmjen e sotme për pozicionin e Ardian Dvoranit si kryetar i Këshillit të Emërimeve në Drejtësi.

Lala ngriti pyetjen nëse Dvorani është ‘kokë turku’ për drejtësinë.

“Çështja është a do jetë ai ‘kokë turku’ për sitemin e drejtësisë, kujtojmë që ka një kallëzim penal ndaj tij”, tha ajo, ndërsa theksoi se nuk beson që çështja Dvorani kaloi dhe erdhi padashje në plan të parë pikërisht sepse po mbaron pandemia.

“Gjendja e pandemisë nuk ka ndryshuar aspak, që në fillim ishte apatike për të pasur dhe kulisa nën rrogoz. Nuk e shoh vetëm si histori të Dvoranit, por edhe Reformës në Drejtësi. Dvorani është sulmuar sepse ishte kreu i KED. Nëse do ishte anëtar i thjeshtë nuk do sulmohej. Palët politike po ridimensionojnë sjelljet e tyre me Reformën në Drejtësi. E shoh ndryshe, pra në këndvështrimin tim duke patur parasysh potencialin e tij në Drejtësi, prej 16 vitesh anëtar. Duke parë dhe mundësinë për të vlerësuar dhe rankuar kandidatët për Gjykatën Kushtetuese këtu nuk lidhet me Dvoranin. Politika ka gjetur rrugët nën rrogozin e pandemisë. Çfarë do të ndodhë me çështjet gjyqësore që ka Dvorani? I lind e drejta për t?u ankuar gjithë atyre qytetarëve. Dvorani ka një proces të hapur në SPAK. Ka dëshmuar në Prokurorinë e Tiranës. Ka dëshmuar Meta. Të gjithë anëtarët e KED. Nëse do të dorëzohet si pasojë e një marrëveshje. Çfarë do të ndodhë me Ardian Dvoranin. Nëse do të shkojë drejt një largimi të mundshëm, atëhere përballja me drejtësinë do të jetë tërësisht ndryshe. Gjithë ata njerëz që janë me pushtet e kanë më të lehtë të përballen me drejtësinë”, deklaroi gazetarja në studion e “Real Story”./ CNA.al





Lajmet e fundit nga