web counter
LEXO PA REKLAMA!

SHKARKO APP

App Store
Google Play

E fundit!

x

"Do ketë rritje të krimit"/ Paralajmëron Lala: Po shfrytëzohet situata për të larë hesapet

28 Prill 2020, 21:18, Politikë CNA

Gazetarja Klodiana Lala deklaroi mbrëmjen e sotme se policia është e angazhuar maksimalisht, por nuk ka kapacitetet e duhura, teksa po fliste për zbardhjen e vrasjeve të ditëve të fundit.

Ajo kërkoi të ridimensionohet roli i policisë, ndërsa paralajmëroi se do të kemi rritje të krimit, si atij të rrugës edhe atij në familje.

?Do e ndaj në dy pejsë, dhunën në familje, që ndodh brenda familjes. Ne si shoqëri kemi pas probleme të tilla dhe sigurisht që edhe gjatë karantinës do të ketë. Do të kemi një rritje të krimit, do të jetë krimi rrugës, krimi në familje, sepse debate më i madh që lind mes bashkëshortëve është për çështje ekonomike. Në rrafshin praktikë, policia do ta ketë shumë të vështirë të parandalojë këto raste të dhunës në familje, sherreve, krimeve të rrugës, për shkak edhe të pandemisë”, u shpreh gazetarja në emisionin “Real Story”.

Lala theksoi se policia ka mungesë të theksuar të burimeve njerëzore dhe moskoordinim të caktuar për administrimin e situatës.

“Polici nuk mund të jetë kudo. Kjo për krimin ordiner. Sa i përket krimit të organizuar, nuk ka qëndruar në asnjë moment në karantinë, por i ka shfrytëzuar të gjitha mundësitë dhe në momentin që u hap pak fasha, bëri dy goditje njëherësh. Krimi i organizuar po shfrytëzon situatën për të larë hesapet. Policia nuk mund të jetë kudo. Pra, do të duhen prova shkencore për arrestimet e të dyshuarve. Duhen prova, që të mos kundërshtohen nesër, ndryshe policia do të dështojë të nesërmen në përballjen në gjykatë. Duhen vënë disa prioritete, që disa momente të vështira, si krimi në familje, krimi i organizuar, nuk duhen harruar për asnjë moment. Ngjarja e Durrësit është tamam si ajo rrjeta e merimangës dhe do dojë kohë të zbardhet?, nënvizoi Lala./ CNA.al





Lajmet e fundit nga