Propozimi i Ilir Beqjas/ Manjani: Është haptazi anti Kushtetuese e anti ligjor

29 Prill 2020, 07:59, Politikë CNA

Ish minstri i Drejtësisë Ylli Manajni thotë se ideja e Ilir Beqjas për uljen me 10% të pagës së të punësuarve në sektorin publik dhe prekjen e pensioneve suplementare, është pa asnjë dyshim e kritikueshme.

Sipas Manjanit, ulja e pensioneve suplementare që Beqja propozon, është haptazi anti Kushtetuese e anti ligjore.

Ai thekson se siguria juridike e shtetit në këtë rast shumëzohet me zero.

?Ideja e Ilir Beqes është pa asnjë dyshim e kritikueshme. Për mua llogjikisht dhe ligjërisht e papranueshme.
Nënpunësit publikë janë rrogëtarë, si të gjithë rrogëtarët xhanëm, që e bazojnë performancën e tyre tek e ardhura e sigurtë nga paga.
Por nënpunësit publikë kanë “të veçantë” mundësinë për abuzim.
Ulja e rrogës automatikisht ul performancën dhe shton abuzimin. Jo se nuk abuzojnë me rrogat që marrin, por ulja e pagave u jep edhe një alibi apo “arsye” më shumë për t’u ndjerë “legjitimë” në abuzim.
Kam patur gjithmonë idenë dhe me kalimin e kohës edhe bindjen se shteti paguan shumë më tepër punonjës nga sa ka nevojë. Kjo kohë po provon bindjen që kisha se ministritë, fjala vjen, punojnë njësoj edhe me një minimum personeli, siç po punojnë sot.
Sot shteti paguan rreth 170 000 punonjës. Jashtë mase shumë për një shtet të vogël dhe për më tepër ku shërbimet i ka dhënë e po i jep me koncension.
Pra punën ja jep privatit, ndërkohë që paguan punonjës publikë për të njëjtën punë. Ca më shumë akoma kërcet kjo llogjikë, kur sheh se nga viti në vit numri i punonjësve të shtetit vetëm rritet…!
Nejse, kjo është një temë tjetër sidoqoftë, por e domosdoshme për t’u trajtuar me seriozitet. Kjo reformë është thellësisht më serioze sesa ulja apriori e rrogave. Por duhet të mbarojë pandemia, ndërruar qeveria që ndoshta të marrë vemendje kjo temë”, shkruan Manjani.

Me tej ai shkruan se ulja e pensioneve suplementare që Iliri propozon, është haptazi anti Kushtetuese e anti ligjore. Siguria juridike e shtetit në këtë rast shumëzohet me zero. Ndoshta për shtetin aktual monist kjo nuk është argument, por për mua është e papranueshme.
“Mesa kuptova, Iliri nuk propozon uljen e pensioneve të tjera, por vetëm të atyre zyrtarëve të lartë që trajtohen me pension suplementar (sqarim i domosdoshëm ky).
Pra ngado që ta kapësh, në daç nga eficenca, në daç nga ligjshmëria e në daç nga përfitimi publik kjo ide e Ilir Beqes kërcet.
Nga ana tjetër, nuk pajtohem hiç, po hiç fare me kritikën, sipas të cilës “meqë Iliri është përfolur për korrupsion, nuk mund të flasë më”.!!!!
Kjo është e papranueshme!
Jo i përfolur(kush nuk u përfol këtu), por edhe i dënuar të jetë çdo njeri është i lirë të shprehet.
Në një shoqëri normale demokratike njerëzit kritikojnë idenë. Në shoqërinë moniste kritikohet, madje gjykohet e dënohet personi pse shpreh një ide!
Ndaj mos u çudisni pse kemi shtet monist, për sa kohë që kritika bëhet ndaj personit jo ndaj idesë. Kjo nuk shkon! Monizmin duhet ta luftojmë nga vetja që të kemi të drejtë ta luftojmë tek shteti?, shkruan Manjani./CNA.al