web counter
LEXO PA REKLAMA!

SHKARKO APP

App Store
Google Play

Propozimi i Ilir Beqajt për uljen e pagave e pensioneve/ Braçe përgënjeshtron ish ministrin

29 Prill 2020, 08:38, Politikë CNA

Zv/kryeministri Erion Braçe, ka reaguar në lidhje me propozimin e ish ministrit të Shëndetësisë, Ilir Beqajt për uljen me 10% të pagës së të punësuarve në sektorin publik dhe prekjen e pensioneve suplementare.

Braçe tha s enuk është dakord me këtë propozim dhe nuk ka asnjë plan nga qeveria për uljen e pagave dhe pensioneve.

?Nuk jam dakord me propozimin. Zoti Beqaj ka dhënë një mendim të tijin, që është në të drejtën e tij. Por, edhe unë kam të drejtën të jem kundër. Nuk ka asnjë iniciativë të qeverisë për të prekur pagat e sektorit publik dhe për të ulur pensionet suplementare. Unë mendoj se Buxheti i Shtetit ka akoma rezerva në shpenzime, duhet ta administrojë akoma më mirë dhe akoma me më shumë përgjegjësi shpenzimet operative?, theksoi Braçe në studion e ?Dita Jonë?.

Në lidhje me menaxhimin e krizës së shkaktuar nga koronavirusi, Braçe nënvizoi se ?qeveria nuk ka bërë asnjë gabim në menaxhimin e situatës?. Gjithashtu, ai mbrojti mënyrën se si merren vendimet e qeverisë.

?Nuk e di se çfarë do të thotë që vendimet merren në Facebook. Vendimet merren në mbledhje qeverie, pasi konsultohen me Komitetin Teknik, publikohen në Fletoren Zyrtare, kalohen në Parlament aktet normative, kështu që është kot të merremi me fjalët e atyre që thonë se vendimet merren në Facebook?, deklaroi Braçe./CNA.al





Lajmet e fundit nga