LEXO PA REKLAMA!

SHKARKO APP

Skandali me dëftesat/ Kush do ta paguajë koston e defektit

21 Korrik 2018, 16:26, Aktualitet CNA
Skandali me dëftesat/ Kush do ta paguajë koston e defektit

Ministrja e Arsimit, Lindita Nikolla ka shpjeguar me detaje se çfarë ka ndodhur me dëftesat e klasës së nëntë, në momentin kur ato u printuan fillimisht.

Në studion e emisionin ?Kjo Javë? me Nisida Tufën në ?Neës24?, ministria Nikolla sqaroi se për shkak të një defekti teknik, këto dëftesa rezultuan me probleme.

Por fill pas konstatimit të problemit ato u tërhoqën, dhe tashmë nxënësve po u shpërndahen dëftesat e sakta.

Sa i takon kostove pas një gabimi të tillë, ministrja Nikolla nuk ngurron të marrë përgjegjësinë, duke u shprehur se do të paguajë pjesën e saj.

?Ne sapo e konstatuam problemin kërkuam tërheqjen e tyre. Padyshim që edhe unë marr pjesën time të përgjegjësisë për këtë gabim. Është një kosto prej 1 mln lekësh të vjetra që do ta ndajë ministri së bashku me komisionin që duhet ta monitoronte, dhe ta kalonte në lupë. Tashmë dëftesat po shpërndahen në shkolla, dhe po ecën sipas programit.?, u shpreh ministrja e Arsimit Lindita Nikolla.

Sakaq, ministrja e Arsimit i është përgjigjur akuzave të deputetit demokrat Luciano Boçi, duke u shprehur se tenderi për dëftesat është kryer sipas procedurave ligjore.

Gjithashtu, Nikolla theksoi se do të ngrejë padi ndaj deputeti Boçi, lidhur me akuzat ndaj saj.

Lajmet e fundit nga