LEXO PA REKLAMA!

SHKARKO APP

Fatmir Xhafaj në dosjen e ndërkombëtarëve/Për çfarë akuzohet

1 Prill 2017, 19:03, Aktualitet CNA

Kryetari i Partisë Demokratike, Lulzim Basha, ka dhënë mesazhin e mbrëmjes nga çadra e protestës. Basha hodhi akuza të rënda ndaj qeverisë dhe kryeministrit Edi Rama për lidhje me trafikantët dhe kriminelët.

Në një takim me ish-të përndjekur, Basha nuk nguroi të lidhte qeverisjen e sotme me diktaturën dhe krimet e komunizmit.

?Jetojnë me kultin e krimit ndaj kanë kriminalizuar qeverisjen. Ky i pari i të gjithë ka lidhur fatin e tij politik jo me socialistët por me krimineltët, me trafikantët e heroinës, kokainës, me njerëz që kanë prostituuar vajzat shqiptare?, tha Basha.

Ai tha se Ministri i Brendshëm Fatmir Xhafa është në dosjet e ndërkombëtarëve si njeriu i lidhur me bandat më të rrezikshme.

?Ministri i Brendshëm, Fatmir Xhafaj, është në dosjet e ndërkombëtarëve si njeriu i lidhur me bandat më të rrezikshme të trafikut të drogës. Krimi është krim dhe detyra e parë e Republikës së re është të ndërpresë njëherë e përgjithmonë lidhjet e politikës me krimin. Kjo nuk mund të ndodhë pa shkëputjen e krimeve të diktaturës. Garantoj se ne do t?i marrim këto përgjegjësi. Ne do të zbatojmë standardet më të forta evropiane për të vënë nderin e të përndjekurve, nderin e shoqërisë së lirë në vend?, theksoi Basha./CityNews

Lajmet e fundit nga