Dyson prezanton projektin/ Plane për robotë që bëjnë punët e shtëpisë

26 Maj 2022, 16:08, Tech CNA

Dyson prezanton projektin/ Plane për robotë që bëjnë

Dyson po shkon përtej fshesave me korrent dhe tharëseve të duarve dhe do të përpiqet të zhvillojë robotë të aftë për të ndihmuar me punët e shtëpisë.

Kompania ka njoftuar planet për të krijuar një qendër të madhe robotike në qendrën e saj në Hullavington Airfield, në Wiltshire, që do të punojë në lloje të reja të robotëve . BBC raporton se në këtë qendër planifikohen të punojnë 250 inxhinierë robotikë.

Në një video në Konferencën Ndërkombëtare për Robotikën dhe Automatizimin, në Filadelfia, kompania tha se po përpiqet të zgjerojë gamën e produkteve që ofron.

Deri më tani ky është vetëm një plan, ndërsa nuk dihet nëse përpjekjet do të shkojnë deri në fund. Disa përpjekje për krijime të reja kanë rezultuar komercialisht të paqëndrueshme, veçanërisht në vitin 2019 kur kompania braktisi një projekt të makinave elektrike./ CNA.al

Lajmet e fundit nga