web counter
LEXO PA REKLAMA!

SHKARKO APP

App Store
Google Play

E fundit!

x

Netflix anulon serialin e animuar të Meghan Markle

18 Maj 2022, 11:57, Tech CNA

Netflix ka anuluar zhvillimin e ?Pearl?, një serial i animuar i krijuar nga Meghan Markle.

Archewell Productions, kompania e formuar nga Duka dhe Dukesha e Sussex, njoftoi vitin e kaluar se Meghan do të ishte producente ekzekutive e ?Pearl?, por duket se ky serial nuk do të trasmetohet në Netflix siç ishte parashikuar.

Seriali ishte planifikuar të përqëndrohej në aventurat e një vajze 12-vjeçare, e cila është frymëzuar nga gra me ndikim të historisë.

Megjithatë, Netflix konfirmoi se do të vazhdojë të punojë në një numër projektesh me Archewell Productions, duke përfshirë një seri dokumentaresh të quajtur Heart of Invictus.

Netflix tha gjithashtu se kishte vendosur të mos procedojë me dy seritë e animuara për fëmijë Dino Daycare dhe Boons and Curses.

Ky serial dhe disa projekte të tjera janë hequr nga gjigandi i transmetimit, si një lëvizje për të ulur kostot.

Muajin e kaluar, Netflix zbuloi se ka një rënie të numrit të abonentëve dhe paralajmëroi se miliona të tjerë do të largohen nga shërbimi.

Kjo fshiu mbi 50 miliardë dollarë nga vlera e tregut të kompanisë pasi ekspertët paralajmëruan se ajo po përballej me një luftë për t’u rikthyer në rrugën e duhur.

Në prill, Netflix tha se numri i përgjithshëm i abonentëve të tij kishte rënë me 200,000 në tre muajt e parë të këtij viti, duke qenë shumë larg objektivit të tij.

Ai gjithashtu paralajmëroi se rreth dy milionë përdorues të tjerë ka të ngjarë të largohen nga shërbimi në tre muajt deri në korrik./ CNA.al





Lajmet e fundit nga