web counter
LEXO PA REKLAMA!

SHKARKO APP

App Store
Google Play

Përmbajtje e papërshtatshme për fëmijët/ Apple prezanton mjetin e ri të sigurisë

21 Prill 2022, 15:30, Tech CNA

Në Mbretërinë e Bashkuar,  mosha mesatare që një fëmijë mund të mbajë telefon është 7 vjeç. Ky fakt është një shqetësim për prindërit , për përmbajtjet që mund të shohin.

Por një opsion i ri sigurie nga Apple ,ka qetësuar prindërit në këtë aspekt.

Gjiganti i teknologjisë ka lançuar mjetin e tij të Sigurisë së Komunikimit në Mbretërinë e Bashkuar, katër muaj pasi e lansoi atë në SHBA.

Mjeti  të cilin prindërit mund të zgjedhin ose ta përjashtojnë do të skanojë imazhet e dërguara dhe të marra nga fëmijët në Messages për nuditet dhe do t’i turbullojë ato automatikisht.

Më pas fëmijët do të jenë në gjendje të vendosin nëse do ta shohin vetë foton, do t’i dërgojnë mesazh një të rrituri që i besojnë ose do të bllokojnë kontaktin. Mjeti i Sigurisë së Komunikimit, i cili është i çaktivizuar si parazgjedhje, mund të aktivizohet nga prindërit brenda cilësimeve të “Kohës së ekranit”.

Nëse Messages zbulon se një fëmijë ka marrë ose po përpiqet të dërgojë një foto që përmban lakuriqësi, do ta turbullojë atë, përpara se të shfaqë një paralajmërim se fotografia mund të jetë sensitive dhe të ofrojë mënyra për të marrë ndihmë.

Një nga opsionet që i ofrohet fëmijës është t’i dërgojë mesazh prindërit për foton.

Nëse fëmija është nën 13 vjeç, Messages do t’i nxisë automatikisht të fillojnë një bisedë me prindin ose kujdestarët e tyre.

Megjithatë, nëse fëmija zgjedh të shikojë ose dërgojë foton, Messages do t’i kërkojë të konfirmojë vendimin e tij përpara se ta zhbllokojë imazhin.

Ndërsa mjeti fillimisht ngriti shqetësime për privatësinë kur u njoftua vitin e kaluar, Apple ka siguruar që nuk ka akses në foto ose mesazhe. Krahas Sigurisë së Komunikimit, Apple njoftoi gjithashtu një plan të diskutueshëm për të skanuar iPhone-ët për imazhe të abuzimit me fëmijët për t’i raportuar policisë – megjithëse kjo tani është shtyrë për një kohë të pacaktuar./ CNA.al





Lajmet e fundit nga