web counter
LEXO PA REKLAMA!

SHKARKO APP

App Store
Google Play

Ulen ndjeshëm temperaturat/ Moti, sot dhe nesër

4 Janar 2023, 08:07, Sociale CNA

E mërkurë, 4 janar 2023

Vendet e ultësirës perëndimore gjatë paradites do të vijojnë nën dominimin e motit të kthjellët dhe vranësirave të lehta por me alternime kthjellimesh dhe vranësirash disi më të shpeshta paraqiten zonat malore. Parashikohet që orët e pasdites të sjellin vranësira më të dendura ku më të theksuara vranësirat do të jenë në veri dhe pjesërisht në zonat qendrore të territorit. Të njëjtat kushte atmosferike do të na shoqërojnë edhe gjatë natës.

Temperaturat e ajrit do të mbeten konstante në mëngjes, por mesdita sjell rënie të lehtë të tyre duke luhatur vlerat ditore nga 0°C deri në 15°C.

Era do të fryjë mesatarisht me shpejtësi 35 km/h nga drejtimi kryesisht verior duke krijuar në brigjet detare dallgëzim mbi 2 ballë.

E enjte, 5 janar 2023

Masat ajrore mbeten të qëndrueshme në të gjithë territorin shqiptar duke sjellë dominim të kthjellimeve në të gjithë ultësirën perëndimore. Ndërsa në zonat malore do të ketë kalime të pakta të vranësirave të cilat nuk do të mund të sjellin reshje.

Sipas Meteoalb, temperaturat e ajrit do të ulen në mëngjes, por mbeten kostante në mesditë duke luhatur vlerat ditore nga -1°C deri në 15°C.

Era do të fryjë e lehtë dhe mesatare me shpejtësi 30 km/h nga drejtimi veriperëndimor duke krijuar në brigjet detare dallgëzim 2 ballë./ CNA.al





Lajmet e fundit nga