web counter
LEXO PA REKLAMA!

SHKARKO APP

App Store
Google Play

Ditët e fundit të vitit, me diell/ Pranverë në dhjetor

27 Dhjetor 2022, 08:09, Sociale CNA

Ditët e fundit të vitit, me diell/ Pranverë në dhjetor

Pjesa e parë e ditës do të sjellë në të gjithë vendin tonë orë me diell, ku kthjellimet do të jenë më të dukshme në ultësirën perëndimore.

Ndërsa pasditja dhe mbrëmja do të sjellin kalime të pakta vranësirash në të gjithë territorin, ku më të fokusuara do të jenë në zonat Lindore.

Temperaturat e ajrit do të rriten lehtë në mëngjes, por mbeten konstante në mesditë duke luhatur vlerat ditore nga 3°C deri në 18°C.

Era do të fryjë mesatarisht në det me shpejtësi 28 km/h nga drejtimi Jugor duke krijuar në brigjet detare dallgëzim 1 - 2 ballë.

Ndërsa nesër me 28 dhjetor 2022, sipas MeteoAlb, territori shqiptar mbetet nën ndikimin e masave ajrore të qëndrueshme, duke sjellë gjatë paradites dominim të kthjellimeve në pothuajse të gjithë vendin tonë.

Por pjesa e dytë e ditës do të sjellë kalime të pakta të vranësirave në zonat Veriore dhe Qendrore.

Ndërsa zonat Jugore do të vijojnë të mbizotërohen nga kthjellimet.

Temperaturat e ajrit do të ulen në mëngjes, por mbeten konstante në mesditë duke luhatur vlerat ditore nga 2°C deri në 18°C.

Era do të fryjë lehtë dhe mesatare me shpejtësi 25 km/h nga drejtimi Jugperëndimor duke krijuar në det dallgëzim të ulët./CNA.al





Lajmet e fundit nga