E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Mot me vranësira, por pa reshje shiu/ Sa do të jenë temperaturat në ditët në vijim

25 Dhjetor 2022, 08:07, Sociale CNA

Mot me vranësira, por pa reshje shiu/ Sa do të jenë temperaturat

Foto ilustruese

E diel, 25 dhjetor 2022

Kushtet e qëndrueshme atmosferike do të vijojnë të diktojnë motin në vendin tonë, duke sjellë orë të shumta me diell gjatë paradites në të gjithë territorin. Por në pjesën e dytë të ditës pritet që vranësirat të bëhen më të dukshme në Shqipëri, ku më të fokusuara do të jenë në zonat Verilindore dhe Juglindore.

Temperaturat e ajrit do të rriten në mëngjes dhe në mesditë duke luhatur vlerat ditore nga 3°C deri në 20°C. Era do të fryjë mesatarisht me shpejtësi 35 km/h nga drejtimi Veriore duke krijuar në det dallgëzim 2 - 3 ballë.

E hënë, 26 dhjetor 2022

Zhvillimi i një qendre të presionit të lartë atmosferik e vendosur mbi detin Adriatik dhe Jon do të diktojë kushtet e motit në territorin shqiptar, duke sjellë në orët e para të ditës kthjellime dhe kalime të pakta vranësirash në zonat malore. Ndërsa në orët në vijim vranësirat do të bëhen më të dukeshme, por nuk do të sjellin reshje.

Temperaturat e ajrit do të rriten lehtë në mëngjes, por mbeten kostante në mesditë duke luhatur vlerat ditore nga 4°C deri në 20°C.

Era do të fryjë e lehtë dhe mesatare në det me shpejtësi 30 km/h nga drejtimi Jugperëndimor duke krijuar në brigjet detare dallgëzim 2 ballë.

Moti – E martë, 27 dhjetor 2022

Pjesa e parë e ditës do të sjellë në të gjithë vendin tonë orë të shumta me diell, ku kthjellimet do të jenë më të dukshme në ultësirën perëndimore. Ndërsa pasditja dhe mbrëmja do të sjellin kalime të pakta vranësirash në të gjithë territorin shqiptar, ku më të fokusuara do të jenë në zonat Lindore.

Sipas Meteoalb, temperaturat e ajrit do të rriten në mëngjes dhe në mesditë duke luhatur vlerat ditore nga 5°C deri në 21°C.

Era do të fryjë mesatarisht në det me shpejtësi 28 km/h nga drejtimi Jugor duke krijuar në brigjet detare dallgëzim 1 - 2 ballë./ CNA.al