web counter
LEXO PA REKLAMA!

SHKARKO APP

App Store
Google Play

Rrriten lehtë temperaturat në mesditë/ Reshjet e shiut pritet të trokasin të mërkurën

29 Nëntor 2022, 08:09, Sociale CNA

Rrriten lehtë temperaturat në mesditë/ Reshjet e shiut pritet

Kushtet e qëndrueshme atmosferike do të sjellin në pjesën e parë të ditës dominim të kthjellimeve në ultësirën perëndimore dhe kalime të pakta vranësirash në zonat malore.

Ndërsa orët e pasdites dhe mbrëmjes do të sjellin në vendin tonë kalime vranësirash në të gjithë territorin, ku më të dukshme vranësirat pritet të jenë në shtrirjen lindore.

Temperaturat e ajrit do të ulen në mëngjes, por do të rriten lehtë në mesditë duke luhatur vlerat ditore nga -4°C deri në 15°C.

Era do të fryjë e lehtë dhe mesatare me shpejtësi 30 km/h nga drejtimi lindor duke krijuar në brigjet detare dallgëzim 1 - 2 ballë.

Ndërsa nesër me 30 nëntor 2022, sipas MeteoAlb, vendi ynë do të përfshihet nga vranësirat e shpeshta të cilat më të dukshme do të jenë në zonat jugore dhe juglindore.

Por pritet që vranësirat të pësojnë zhvillime të përkohshme duke krijuar mundësi për reshje shiu në një pjesë të mirë të zonës. Ndërsa në zonat malore do të ketë reshje të pakta dëbore.

Temperaturat e ajrit do të rriten në mëngjes, por mbeten konstante në mesditë duke luhatur vlerat ditore nga -2°C deri në 15°C.

Era do të fryjë mesatarisht me shpejtësi 40 km/h nga drejtimi juglindor kryesisht duke krijuar në brigjet detare dallgëzim 3 ballë./CNA.al





Lajmet e fundit nga