LEXO PA REKLAMA!

SHKARKO APP

E fundit!

x

Festat e nëntorit me diell/ Temperaturat vijojnë të qëndrojnë nga minus 4 deri 13 gradë

28 Nëntor 2022, 08:10, Sociale CNA

Festat e nëntorit me diell/ Temperaturat vijojnë të

Territori shqiptar në orët e para të ditës do të jetë me alternime kthjellimesh dhe vranësirash të cilat më të dukshme do të jenë në zonat lindore, ku dhe do të krijojnë mundësi për reshje të pakta në juglindje të Shqipërisë.

Ndërsa orët vijuese sjellin përmirësim të motit edhe në këto zona, duke bërë që në vend të ketë më shumë orë me diell.

Temperaturat e ajrit do të ulen në mëngjes, por mbeten kostante dhe në mesditë duke luhatur vlerat ditore nga -4°C deri në 13°C.

Era do të fryjë e lehtë dhe mesatare me shpejtësi 30 km/h nga drejtimi verilindor duke krijuar në brigjet detare dallgëzim 2 ballë.

Ndërsa nesër me 29 nëntor 2022, sipas MeteoAlb, kushtet e qëndrueshme atmosferike do të sjellin në pjesën e parë të ditës dominim të kthjellimeve në ultësirën perëndimore dhe kalime të pakta vranësirash në zonat malore.

Ndërsa orët e pasdites dhe mbrëmjes do të sjellin në vendin tonë kalime vranësirash në të gjithë territorin, ku më të dukshme vranësirat pritet të jenë në shtrirjen lindore.

Temperaturat e ajrit mbeten konstante në mëngjes, por rriten lehtë në mesditë duke luhatur vlerat ditore nga -4°C deri në 14°C.

Era do të fryjë e lehtë dhe mesatare me shpejtësi 30 km/h nga drejtimi lindor duke krijuar në brigjet detare dallgëzim 1 - 2 ballë./CNA.al

Lajmet e fundit nga