web counter
LEXO PA REKLAMA!

SHKARKO APP

App Store
Google Play

Temperaturat nën 0 gradë celsius/ Vranësira të shpeshta dhe reshje të pakta shiu, moti sot dhe nesër

26 Nëntor 2022, 08:06, Sociale CNA
Temperaturat nën 0 gradë celsius/ Vranësira të shpeshta dhe
Foto ilustruese

Pjesa e parë e ditës do të jetë nën ndikimin e kthjellimeve në ultësirën perëndimore, por kalime të lehta të vranësirave pritet të ketë në zonat malore.

Ndërsa pasditja dhe orët vijuese do të sjellin në vendin tonë shtim gradual të vranësirave, të cilat do të mund të gjenerojnë reshje të pakta dhe të izoluara shiu në zonat jugore dhe pjesërisht në zonat veriperëndimore.

Sipas Meteoalb, temperaturat e ajrit do të mbeten konstante në mëngjes, por do të ulen lehtë në mesditë duke luhatur vlerat ditore nga 0°C deri në 14°C.

Era do të fryjë mesatare dhe e fortë me shpejtësi 50 km/h nga drejtimi lindor - verilindor duke krijuar në brigjet detare dallgëzim mbi 3 ballë.

E diel, 27 nëntor 2022

Vendi ynë mbetet në mbizotërimin e vranësirave të shpeshta, të cilat herë pas here do të pësojnë zhvillime duke sjellë reshje të pakta shiu në një pjesë të mirë të territorit. Ndërsa në zonat malore pritet të ketë shfaqje të reshjeve të pakta të dëborës, ku më të dukshme do të jenë në zonat veriore dhe verilindore.

Temperaturat e ajrit do të ulen në mëngjes, por mbeten të pandryshuara në mesditë duke luhatur vlerat ditore nga -1°C deri në 14°C.

Era do të fryjë e lehtë dhe mesatare me shpejtësi 38 km/h nga drejtimi verilindor kryesisht duke krijuar në brigjet detare dallgëzim 2-3 ballë./ CNA.al





Lajmet e fundit nga