LEXO PA REKLAMA!

SHKARKO APP

Rrugë të shembura, ura drejt rrëzimit/ Situatë emergjentë në Vaun e Dejës, Pukë dhe Fushë-Arrëz

21 Nëntor 2022, 09:57, Sociale CNA

Rrugë të shembura, ura drejt rrëzimit/ Situatë

Prefektura e qarkut Shkodër ka njoftuar së fundmi situatën për shkak të reshjeve të shiut në Bashkinë e Malësisë së Madhe.

Bashkia Vau Dejës

Në Njësinë Administrative Vau-Dejës ka pasur gjatë gjithë natës me reshje me intensitet mesatar. Gjendja vazhdon të ngelet e njëjtë si ditën e djeshme.

Përroi Gllinë vazhdon të mbetet problematik në qytet. Ka energji elektrike në pothuajse të gjitha njësitë me përjashtim të ndonjë ndërprerjeje të shkurtër në disa fshatra.

Në Njësinë Administrative Bushat vazhdon të mbetet problem rruga kryesore e fshatit Ashtë.

Në fshatrat Mali i Jushit, Hoten, Rranza, Bushat janë 10 familje që kanë prezencë uji në banesa në lartësi 30 cm si dhe 1711 ha tokë bujqësore nën ujë.

Në Njësinë Administrative Hajmel ka dalje të përronjve nga shtrati në fshatin Hajmel dhe Paçram që për pasojë ka vërshime të ujërave në rrugët kryesore te fshatrave dhe sipërfaqe toke bujqësore nën ujë.

Lumi Gjadër vazhdon të mbetet problematik në Nja, Vig Mnele.

Vazhdon të mbetet evident rreziku i shembjes së urës Gjinaj që lidh aksin kryesor rrugor të fshatit Mnelë në fshatin Vig.

Në Temal, vazhdon të jetë problematike rënia e inerteve nga rrëshqitja e gurëve nga mali.(konkretisht në rrugën e Komanit) dhe ndërprerja e energjisë elektrike në fshatrat e njësisë.

Në Shllak, vazhdon të jetë problematike shembja e rrugës kryesore që të çon në fshatin Vukaj me gjatësi 4 km.

Bashkia Pukë

Deri në këto momente situata është e njëjtë me ditën e djeshme.

Bëhet e ditur se janë rreth 27 km rrugë rurale të dëmtuara në njësitë Administrative Qelez, Rrape, Luf Qerret dhe Gjegjan.

Ka filluar ndërhyrja për kthimin në normalitet me burimet njerëzore dhe teknike fadromë, për pastrim dherash e inertesh.

Në Bashkinë Fushë-Arrëz, vazhdojnë reshjet e shiut dhe deri tani nuk ka probeme të tjera të rapotuara, përveç dëmtimit të rrugëve dhe shkëputjes së energjisë elektrike.

Strukturat e ushtrisë në Vaun e Dejës, gjatë mbrëmjes së djeshme deri në orët e vona janë angazhuar maksimalisht në operacionet e evakuim shpëtimit sipas planeve të evakuimit të bëra nga Bashkia Shkodër./CNA.al

Lajmet e fundit nga