web counter
LEXO PA REKLAMA!

SHKARKO APP

App Store
Google Play

Pasditja sjell përmirësim të kushteve atmosferike/ Parashikimi i motit, sot dhe nesër

21 Nëntor 2022, 08:11, Sociale CNA

Pasditja sjell përmirësim të kushteve atmosferike/ Parashikimi i

Pjesa e parë e ditës parashikohet të jetë me vranësira të shumta të cilat do të gjenerojnë reshje shiu herë pas here edhe në formë rrebeshi në momente të shkurtra.

Ndërsa pas mesdite pritet përmirësim gradual i kushteve të motit, duke sjellë dhe intervale të shkurtra me kthjellime në një pjesë të mirë të vendit.

Temperaturat e ajrit do të ulen në mëngjes dhe në mesditë duke luhatur vlerat ditore nga 5°C deri në 17°C.

Era do të fryjë mesatarisht me shpejtësi 45 km/h nga drejtimi veriperëndimor duke krijuar në brigjet detare dallgëzim 3 - 4 ballë.

Ndërsa nesër më 22 nëntor 2022, sipas MeteoAlb, territori shqiptar gjatë paradites do të jetë me alternime kthjellimesh dhe vranësirash, ku më të dukshme kthjellimet pritet të jenë në ultësirën perëndimore.

Por pjesa e dytë e ditës do të sjellë shtim të vranësirave, duke gjeneruar reshje shiu në të gjithë vendin, deri natën vonë ku pritet intensifikim i reshjeve.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 3°C deri në 15°C.

Era do të fryjë mesatare dhe e fortë me shpejtësi 60 km/h nga drejtimi jugor duke krijuar në brigjet detare dallgëzim mbi 5 ballë./CNA.al





Lajmet e fundit nga