LEXO PA REKLAMA!

SHKARKO APP

App Store
Google Play

Lumi Drin, në kuota kritike/ Disa rrugë ende të bllokuara në Lezhë

23 Nëntor 2022, 09:00, Sociale CNA

Lumi Drin, në kuota kritike/ Disa rrugë ende të bllokuara në

Në territorin e qarkut Lezhë, gjatë mbrëmjes deri sot në mëngjes ka pasur reshje shiu me intesitet të mesëm deri të lartë.

Niveli i reshjeve ka qenë rreth 40 mm reshje. Rreshjet e shiut vazhdojnë pa ndërprerje, gjë e cila do ndikojë negativisht në normalizimin e situatës.

Situata e deritanishme paraqitet si mëposhtë:

Në njësinë administrative Dajç, Bashkia Lezhë, vijon të jetë e njëjtë si pasojë e reshjeve të rëna gjatë 24 orëve.

Ura që lidh fshatin Gjadër me Zojs-Gramsh është e kalueshme dhe për mjetet e vogla.

Rruga që lidh fshatin Blinisht-Superstradë (Lezhë-Shkodër) vazhdon të jetë e pakalueshme si rezultat i prezencës së ujit në trupin e rrugës. Rruga që lidh fshatin Blinisht-Baqel është e kalueshme plotësisht.

Ka rritje të nivelit në trupin e rrugës në fshatin Piraj, e cila është bërë e pakalueshme nga mjetet e vogla.

Në fshatin Kakarriq vazhdon të ketë prezencë në 4 banesa, edhe pse niveli i ujit po vazhdon të ulet.

500 ha sipërfaqe toke të përmbytura në fshatin Torovicë, njësia administrative Balldre, 800 ha në njësinë administrative Dajç dhe Blinisht, Bashkia Lezhë.

Rruga që lidh fshatin Torovicë me fshatin Malecaj, njësia Administrative Balldren, është e pakalueshme për mjetet e vogla.

Hidrovoret po punojnë me kapacitet të plotë dhe pa ndërprerje. Konkretisht Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuota kritike dhe hidrovori Balldre rreth -1.2 m.

Lumi Drin është në kuotën +1.40 m nga +2.0 m kuote kritike. Lumi Gjader ka kuota të larta, ndërsa lumi Mat ka rritje të kuotave, por të papërfillshme. Në Bashkinë Mirditë dhe Kurbin nga strukturat e MC nuk raportohen problematika./CNA.al

Lajmet e fundit nga