web counter
LEXO PA REKLAMA!

SHKARKO APP

App Store
Google Play

E fundit!

x

Plazhet e ndotura/ Tri zonat ku nuk duhet të laheni

5 Qershor 2022, 17:14, Sociale CNA
Plazhet e ndotura/ Tri zonat ku nuk duhet të laheni
Zonat e ndotura

Sezoni i plazhit në Shqipëri është hapur. Sipas specialistëve të turizmit, pritet të ketë një fluks të pushuesve, pas një ndërprerjeje gati dyvjeçare për shkak të pandemisë. Kushtet në Shqipëri për turizmin bregdetar janë përmirësuar ndjeshëm, megjithëse ka ende shumë punë për t'u bërë.

Vija jonë bregdetare është e larmishme dhe ofron shumë alternativa. Shqipëria ka qenë në fokusin e Agjencisë Europiane të Mjedisit, e cila i ka dhënë nota pozitive bregut shqiptar. 

Nëse në vitin 2015, 39.1% e pikave të monitoruara konsideroheshin me cilësi të dobët, sot vetëm 6.7% nuk e kalojnë klasën, falë ndërtimit të pesë impianteve të trajtimit të ujërave të ndotura.

Në hartën ku përmblidhen gjetjet e raportit, zonat me ngjyrë të kuqe, që nuk këshillohet të lahesh, gjenden pranë zonës së Portit në Durrës, në plazhin e vjetër pranë Portit të Vlorës dhe në liqenin e Ohrit pranë qytetit të Pogradecit.

Zona e Golemit, plazhi i Darëzezës dhe Saranda kanë pasur përmirësimin më të madh në cilësi vitet e fundit, ndërsa kryesisht riviera e Jugut, Shëngjini dhe Velipoja vazhdojnë të marrin vlerësim maksimal.

Agjencia Europiane e Mjedisit vlerëson gjithsesi se Shqipëria ka ende shumë punë për të bërë në drejtim të përmirësimit të cilësisë së ujërave.

Kjo pasi në Bashkimin Europian vetëm 1.6% e zonave marrin një notë ngelëse, ndërsa në shtetet rivale në turizëm si Greqia dhe Kroacia, nuk ka asnjë plazh të ndotur dhe mbi 95% marrin notën maksimale./ CNA.al





Lajmet e fundit nga