web counter
LEXO PA REKLAMA!

SHKARKO APP

App Store
Google Play

E fundit!

x

Java nis me temperatura “afrikane”/ “Digjen” Elbasani dhe Gjirokastra

18 Korrik 2022, 08:06, Sociale CNA

Java nis me temperatura “afrikane”/ “Digjen” Elbasani

Valët e të nxehtit që po përfshijnë vendin tonë po sjellin temperatura shumë të larta. Kushtet e motit paraqiten me dominimin e kthjellimeve në zonat bregdetare dhe të ulëta, ndërsa në zonat malore do të ketë vranësira të pakta.

Por pasditja sjell zhvillim të vranësirave në juglindje të Shqipërisë duke gjeneruar shira të izoluar.

Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 18°C deri në 39°C.

Era do të fryjë mesatarisht në det me shpejtësi 40 km/h nga drejtimi verior - veriperëndimor duke krijuar dallgëzim 3 ballë.

Ndërsa ditën e martë, sipas MeteoAlb, vendi ynë do të vijojë në ndikimin e masave ajrore me origjinë afrikane duke kushtëzuar mot të kthjellët dhe të nxehtë.

Orët e pasdites do të sjellin kalime vranësirash të lehta ku më të dukshme vranësirat do të jenë në zonat malore veriore dhe verilindore. Zonat më të nxehta gjatë ditës së martë do të jenë qarqet, Elbasan dhe Gjirokastër ku priten edhe vlerat më të larta.

Ky stabilitet i atmtosferës do të na shoqërojë edhe gjatë natës.

Temperaturat e ajrit do të pësojnë një rënie të lehtë në mëngjes dhe në mesditë duke luhatur vlerat ditore nga 17°C deri në 38°C.

Era do të fryjë e lehtë dhe mesatare me shpejtësi mbi 30 km/h nga drejtimi perëndimor – veriperëndimor, për pasojë në brigjet detare do të krijohet dallgëzim deri në 2 ballë./CNA.al





Lajmet e fundit nga