web counter
LEXO PA REKLAMA!

SHKARKO APP

App Store
Google Play

Manastirliu bën bilancin/ Si paraqitet situata nga COVID-19

16 Korrik 2022, 17:55, Shëndeti CNA
Manastirliu bën bilancin/ Si paraqitet situata nga COVID-19
Ministrja e Shëndetësisë, Ogerta Manastirliu

Ministrja e Shëndetësisë, Ogerta Manastirliu, ka folur pasditen e sotme për situatën shëndetësore në vend, nga pandemia e COVID-19.

Duke marrë shkas nga rritja e rasteve të infektimeve dhe fataliteteve, Manastirliu tha se i gjithë sistemi shëndetësor është në gatishmëri për të bërë të mundur ndërgjegjësimin e qytetarëve.

“Ka një rritje të incidencës, rritje së rasteve pozitive, po ashtu kemi edhe rritje të rasteve të fataliteteve dhe një pjesë e madhe e tyre nuk janë të vaksinuar. Sikurse alerti është vendosur nga OBSH edhe në Shqipëri i gjithë sistemi shëndetësor është në gatishmëri për të bërë të mundur ndërgjegjësimin e qytetarëve”, u shpreh ajo.

E pyetur emisionin "Kjo Javë", nëse ka prezencë të varianteve të reja, ministrja deklaroi se dyshimet nuk mungojnë, por theksoi se laboratorët nuk kanë konfirmuar ende nëse kanë mbërritur nënvariante të Omicron.

“Kanë dyshime të arsyeshme që edhe në Shqipëri kanë mbërritur nënvariante të Omicron, ende nuk kemi një konfirmim nga laboratorë të referencës, por fakti që kemi një transmetueshmëri të lartë i dedikohet nën varianteve si BA4, Ba5.

Për konfirmimin kryhet sekuencimi genomik dhe në laboratorë të referencës ka shumë vende që çojnë kampionë të tyre dhe kjo merr kohën e vet, një javë apo më shumë. Por edhe vetë marrja e kampionëve bëhet sipas një metodologjie të përcaktuar. Ne kemi edhe një alert të ngritur nga shërbimi pediatrik në spitalin nënë Tereza, pasi gjatë këtyre javëve janë paraqitur me simptoma të COVID apo Omicron”, nënvizoi Manastirliu./ B.A. – CNA.al





Lajmet e fundit nga